علي نزل الجامعة وكان ما ناقش حاجة علي قرر انو ما يسال زول لنو خايف يبرلمو و خايف من المقالب علي عندو محاضرة
في القاعة ٦ و هو ما عارف هي وخايف يسال المهم بعد تعب
لقاها وخش و لقى المحاضرة شغالة علي خشا و قعد بعد المحاضرة انتهت وناس طلعت عشان تاخد بريك علي قعاد براهو و شايف الناس دي كلها قاعدة مع بعض الا هو بعد معاناة اليوم انتهى وعلي رجع البيت
علي وصل البيت خش ولقى امو
ام علي : اها كيف اليوم معاك
علي : الحمدالله غايتو بصوت تعبان ودخل على الاوضة بعصر
حسن جاء
حسن : اها يا مان الجامعة اياك
علي : انت كيف انا خليني
حسن : يا مان ياخ دا احلى يوم في حياتي يا سلام يا سلام
حسن بحكي لي علي وعلي سرحان وبفكر في اليوم الصعب المر بيهو
: علي ياخ كان شفت الجكس احي انا جكس نضيف تقول بياكل صابون بدرة
علي : يازول وضحك
حسن : وانت يومك كان كيف
علي : والله ياهو
علي كان مشي الجامعة في طريق لقى واحد وافق بفتش في الكلية والكلية صادفت نفس كلية علي المهم علي اتعرف
عليوو وكان اسمو عثمان
عثمان زول طيب ود ناس و شاطر ورياق بس جنو بنات يعني بتاع جكس عثمان اتعرف
على علي وبقوا اصحاب ماشين سواء في اي وكت كانوا ثانئي جميل بجد يوم عثمان عرض على علي طلب
عثمان: علي انا عندي قروب في الواتساب فيهو بنات واولاد انا منو تقضي زمن لمن تكون زهجااان
علي : زيت يا مان حنك دسيس والله
عثمان : يعني اضيفك
: طووولي ضيف
عثمان ضااااف علي في القروب علي
القروب اتعرف علي كمية من الشباب علي حب القروب شديد لو كان محل ونستو وقعدتو
في يوم ناس القروب عاملين طلعة عثمان ضرب لي علي تلفون
علي : الو
عثمان: الليلة طلعا النيل كيف
علي : مافهمتك
عثمان : شارع النيل
علي : والله اشوف
عثمان : شوف يا علي انا حنك الوهمين دا ما بنفع معاي
علي : والله ظروفي
عثمان : ياخ ظروف ظروف كل مرة ظروف ياخ دا حنك بيش عارفك ياخ تعال ما بتخسر شي
علي : خلاص بجي لكن الساعة كم
عثمان : بعد المغرب يا فردة تتحرك وبينا التلفون
علي : خلاص يا مان يلا لي
علي صلي المغرب واتحرك
علي : الو عثمان انا جمب برج الاتصالات انتو وين
عثمان : امشي قدام شوية هداك انا رافع يدي لابس تيشيرت ابيض
علي : اي انا جايك لابس جلابية
عثمان استقبل علي وعرفوا علي الشباب الناس دي كلها كانت بتغني و تتونس و تضحك و علي قاعد براهو لا بتكلم لا بتحرك
الجسلة انتهت واي زول رجع بيتو تاني يوم في القروب
الناس بقت تذكر وتقول امس يا سلام ياخ المفروض نعيدو تاني ياسلام بعدين الناس كانت كلها مشاركة في بت اسمها سماح
كتبت هييي ما كل ال ناس ياخ في واحد لابس جلابية طويل كدا دموا تقيل خلاص ما حبيتوا كريه لا بضحك لا بتونس زول منتهى المهم سماح بشتنت علي دا ما خلت فيهو شي واثناء ما هي بترسل كانوا بحاولوا يمنعوها لكن هي كتبت وانتهت علي قراء الكلام الكتبتو سماح زعل و غادر
يلا اي زول بقى يقول يا سماح عيب عليك حرام ياخ عقدتي الولد انتي لي قاسية كدا
سماح بت حساسة و رقيقة شديد و خجولة مرت مرت سماح بت سمحة بس ماعندها ثقة في نفسها و لمن بتكلم ما بتحاسب لي اي زول
عثمان عرف الحاصل وزعل شديد عثمان شال تلفونو وضرب لي سماح
عثمان : الو سلام عليكم
سماح : وعليكم السلام
عثمان : مش انتي سماح ولا جن انتي
سماح وهي مخلوعة : اي انا سماح
عثمان : يا الزول القلتي انو عوير دا صحبي وانتي جرحتيهو وهو زول ما عندو غرض بي زول انا جبتو عشان صحبي وانتي تحرجيهو كدا ياخ عليك لمن تكلمي حسابي لكلامك انا هين بس اسي علي دا تعملي ليهو شنو
عثمان قفل الخط في وش سماح وهي خجلت من نفسها وبكت وندمت علي شي العملتو سماح طووولي خشت القروب و يقت تفتش في الرسائل القديمة يمكن تلقي علي اخير لقت رقم علي ورسلت ليهو
انا اسفة ولا ما قاصدة معليش و انا ندمانة علي عملتوو سامحني لو قلبك يسمح
علي لقى رسالة من رقم مجهول مكتوب فيها الكلام دا علي اتفاجئ فقام رد وكتب لا والله عادي ولا يهمك ما مشكلة وانا اصلا غادرتا من القروب عشان اصلا انا عاوز اغادر
سماح استغربت شديد افتكرت انو بجامل فيها مااقتنعت سماح ضربت تلفون لي علي
سماح : الو
علي : الو مين معاي
سماح : انا البت الفي قروب
معليش سامحني والله ما قاصدك
علي : لا عادي والله ما مشكلة
يتبع .................
0 التعليقات