يا علي يا علي ياعلي يا علي
علي : نعم امي في شنو
ام علي زولة طيبة شديد علي بحب امو لكن مرات بختلفوا في حاجات زي انو يبلس التيشريت دا وهي تقولي لي ياود التيشيرت دا صغير ما تلبسوا وتبدا الجوطة علي بحب امو لنها هي الزول الطولي بقيف معاهو وامو فهماهو وبتعرفوا كويس
ام علي : يا ولد امشي جيب العيش الفطور اتاخر
علي وهو بنقنق : اي يا امي ماشي جيبي القروش
ام علي : هو لي انا ما ليك انت واخوانك انا كان لي كباية شاي وبسكويت بس وبعدين اغشي الدكان جيب فول امسك القروش دي عشرين جنيه .
طبعا علي لخباط بلخبط المراسيل لخبطة شديدة علي مرق من اوضتو و فتح باب الشارع ومشى على الفرن وفي الطريق شاف ليهو بت وقفة في منتظرة الموصلات فجاءة صوت بنادي بقول يا علي بقت تركز اي ما خلاص كبرتا وكدا علي اتلفت وكان دا عمر
عمر صاحب علي من الثانوي عمر زول شفت و مقرم وخطير و مفتح
علي : عمر ازيك كيف انت وامورك واخبارك
عمر : الحمدالله كلو بسط يا مان
علي : اها عملتا كم يا فردة
عمر : والله بتدخلي غايتو وضحك
علي : الحمدالله
عمر : عليك الله شوف المزة دي كااااربة ياخ ياخ الا اعرفا
طبعا علي كلام البنات و البنات ما عندو بيهو شغلة نهائي علي بخجل يشوف البت زاتووو يعني صراحة كدا علي زول حجر المهم ما علينا
علي : الله يهديك يا عمر
عمر صلح السيستم بتاعو و مشي علي البت علي هز راسو وواصل مشوارو علي جاب العيش وفطر
علي : يا محمد يا محمد عليك الله اعمل لينا شاي ياخ
محمد اخو علي الاصغر محمد زول ظريف زول نكتة اليوم كلو بضحك و يحكي نكت
محمد : ابيت قول لي إسراء تعمل ليك الشاي انا كل مرة اعمل ليك الشاي انا جرسون و خدامك
علي ضحك وقاااام ماشي علي المطبخ
إسراء دي اخت علي الوسط جاية بعد محمد طووولي بت شكالة و جنها شكل السبب انها قامت وسط اولاد يعني شوية مسترجلا علي خش المطبخ عاوز يشيل السخان فجاءة تنط لي سلوى
علي : سلوى بتعملي هنا شنو
سلوي دي اصغر واحدة في البيت بتحب المقالب و جنها لعب
سلوى : ولا شي
ومشت علي عمل الشاي و مشي علي الاوضة لقى. ابوهو
ابو علي شخصية فكاهية جدا لكن لمن يكون مزاجو. كويس يعني يجي من الشغل بدري
ابوعلي : غسل العربية دي واسخانة شديد
علي : كويس
ودخل الاوضة
علي : وانت جيت متين
طبعا دا احمد اخو علي الكبير زول جادي و جنو قراية بحب الكورة
احمد : ان شاء الله في شاي كفاية
علي : في
احمد : طيب ما تكب ياخ
بمناسبة قالوا التقديم بدا
علي : يا زول
احمد : اها قررت تقرى شنو
علي : والله انا لس دايش وما عارف اعمل شنو
احمد : ما علينا كل شي بي وكتو
خلينا نشرب الشاي
تلفون علي رن علي رد و لقاهو حسن
حسن : يا مان اسمع بعدين بعد المغرب المكتب عليك الله
علي : زيت مان ما حنك ارمي قدام
علي و حسن صلوا المغرب و قاعدو قعدتم عندهم جنبة ظريفة بقعدوا فيها من زمان
حسن : علي انا الليلة قدمتا
علي : يا زول يعني اقول دكتور حسن
حسن : لس يا مان خلي نتيجة القبول تتطلع
علي ارتبك وخاف لنو هو لي اسي ما حدد رغبتو ما قدام
في النهاية علي و حسن اتونسوا كدا لحدي ما اي واحد مشي البيت
في النهاية علي قدم و شالوه انا اختصرتا موضوع التقديم البايخ دا عرفنوا طبعا
حسن : علي نازل الجامعة متين
علي : والله شهر ١٠ وانت
حسن : نفس الشي والله
...........................يتبع
0 التعليقات