قصة بعنوان البرلوم
علي ولد عادي من اسرة عادية
عاش في حي عادي علي ود طيب وخلوق حبوب بس الناس مافهماهو زول عفوي بزعل سريع بحب الوانسة بكره الكورة بحب يشوف ام بي سي تو علي عندو صحبو اسمو حسن بحبوا شديد وحسن صاحب عمرو قروا الاساس سواءالثانوي سواء وهم جيران في الحلة هم الاتنين ما عندهم حاجة لي زول
عندهم مزاج خاص وبسيط ماعوز اتطول عليكم لكن احسن نبدا
موبايل بيرن فجاءة علي يمسك الموبايل سريع و يرد علي: الو مين معاي اي معاك حسن
حسن : اها جبت كم يا علي
علي: مازدت كتير والله ٧٥.٣
حسن: الف مبروك يا مان
علي : وانت جبت كم
حسن : والله ٨٨.٥
علي : الف الف مبروك دسيس يا مان اها لي بعدين المساء كدا علي قفل الخط ومشي ختا التلفون في الشاحن بمساء
علي : اووووووووووووو دكتور حسن
حسن : باشامهندس علي
علي : باشامهندس وين ياخ
حسن : لي يا مان بتسهل ان شاء الله حسن وعلي مشوا علي بيت
بعد ما صلوا العشاء حسن طلع كرسين في قدام البيت وقعدوا حسن خايف انو نسبتو ما تدخلوا كلية الطب و علي سراح ولا جايب خبر اي واحد فيهم شايل هم نسبتو
علي : انت عارف يا حسن نحن اتجتهدنا ودي قسمتنا وبعدين اي حاجة لخير
حسن : اااي والله كلو لخير
علي : حسن ياخ امينيم سمعتا لي اغنية جديد كدا سمحة شديد
حسن بحب يسمع لي امينيم
حسن رد في ذهول : يا زول اسمها شنو علي : ماستر ولا حاجة بشكل كدا معاهو رايانا حسن ما قدار يمسك نفسو
حسن : لا لا لا دي بتكون دسيسة حولا حولا دقيقة افتح البلو توث
علي حول الاغنية لي حسن
حسن طلع سماعتو بسمع متكيف علي لس سرحان في النتيجة وانو حيقرى ياتو كلية محتار والهم شغلوا علي : حسن انا ماشي البيت حسن: ما بدري ياخ اقيف نتكل شوية
علي قعد علي: مامشكلة اصلا هي بايظة بايظة احسن اتكل معاك
حسن : انت التقديم يبدا متين
علي وزهجااان : ياااخ هو النتيجة متين طلعت عشان نقدم
حسن : ضحك وقال : بهظر ياخ ابرد اخير حنخش الجامعة ونبقى برالمة علي : هههههههههههههه والله انت ياحسن ما عندك موضوع انا ماشي
علي قام ومشي علي البيت وحسن دخل الكرسي ودخل البيت
.......................يتبع
