عثمان : والله امس بليل بعدين انا جيت عشان خبر ما سمح نهائي
علي : خير ان شاء الله
عثمان : ومن وين يجي الخير اهلي راحلين السودان
علي : ههههههههههههه اي يا رمتالي تاني صياعة مافي
عثمان طلع سجارة ولعا
علي : من متين بتسجر
عثمان : اصلا كنت من بسجر من زمان بس ايام تلاتة وقفت
علي : ايووووووو
عثمان : اديك نفس
علي : زح بعدين يا زول
عثمان : هههههههههههه
علي : لكن حركتك خور يا مان
ياخ تاني ما تعمل كدا
عثمان : ياخ التقول البتعرفا ولا بقيت تحب يا حجر يا وهمي
علي : انا كلمتك اعمل حسابك
عثمان : عميان مسكوا العكاز
علي : ياخ مسكوا العكاز مسكوا السكين مسكوا الشجرة انت تاني ما تعمل كدا
عثمان : يلا يا مان انا ماشي لي الاصلية
علي : يلا
علي اليوم كلو بفتش في سماح عشان يعتذر ليها
من الكلام القالو عثمان علي لس زعلان منو علي رجع البيت
ورسل رسالة لي سماح في الواتساب
علي : هلا بعد ساعة سماح ردت
سماح : علي كيفك
علي : اسف ياخ
سماح : بسم الله الرحمن الرحيم علي شنو
علي : صحبي عثمان
سماح :
ههههههههههه صحبك ظريف ضحكني
علي : لكن الكلام دا ما صاح منو
سماح : ههههههههه عادي يا علي
ما تاخد الامور جد هو كان بهظر
علي : كيف كان اليوم معاكز
سماح : والله غايتو
علي و سماح اتونسو لحدي وكت متاخر من الليل
سماح مشت الجامعة ولقت الاء قاعدة منتظرها
الاء : الا اتاخرتي لي ما عوايدك
سماح : امس ساهرتا
الاء : بقيتي تحفري بليل كمان
سماح : احفر شنو واتساب
الاء : اوعك تقولي مع علي داك
سماح : اي معاهو
الاء : ياخ الود انا بكرهو كريه خلاص
سماح : عمل ليك شنو بعكس ظريف ياخ
الاء : انتي حبيتي ولا شنو
سماح : حب شنو يا بت نحن اتعرفنا يادوب لينا اسبوع
الاء : حياتك يختي علي كيفك
سماح : الدكتور جا ارح سريع قبال ما يقفل الباب
سماح والاء خشوا المحاضرة
عثمان دخل في ديون و مشاكل
و اسي هو عيان وهو جااي من البيت اوغما عليووو في شارع علي عرف الحصل طوولي مشي لي عثمان في مستشفى علي دخل المستشفي لقي عثمان في طوارئ طووولي جر على عثمان عثمان كان بقول لي علي امي يا علي كلما قوليها اعفي لي وكلم ابوي جاء الدكتور اتكلم ما علي
الدكتور : بتعرف الود دا
علي : اي دا صحبي و زميلي في الجامعة
الدكتور : صحبك دا حالتو خطيرة علي : مالو ان شاء خير
الدكتور : ما بقدر اكذب عليك والكلام ما بندسا الزول دا شرب خمرة و اسي اتسمم
علي اتخلع و اتصدام
بصوت فيهو خوفة و رجفة
علي : في شنو انا مستعد اعمل اي شي
الدكتور : دي علاجات لازم ياخدا تمشي تجيبا من الصيدلية
علي : كويس
علي القروش المعاهو ما بتجيب تلاتين جنيه و العلاجات بي ٢٥٠ جنيه علي ما عاوز يتصل على اهل عثمان عشان ما يعرفوا الحاصل وهم جايين بكرة من السعودية علي اتصل على حسن و عمر و عادل وقال ليهم جيبوا معاكم قروش
حسن وصل المستشفى وعادل كمان وعمر وصل بعدهم بشوية علي قابلم وحكى ليهم الحاصل لموا القروش المعاهم و مشوا الصيدلية اشترو العلاجات و دفعوا اي حاجة عثمان صحى و حالتو كانت مستقرة عمر شال عربية اخو الكبير علي و عادل و حسن شالو عثمان طلعوا من المستشفى لحدي ما عمر يجيب العربية وهم ماسكين عثمان
الاء عندها حبوبتا عيانة مشت تزورا لمن شافت علي واصحابو ادست خلتم لحدي ما ركبوا العربية و مشوا الاء مشت سالت الممرضة عن ناس علي الممرضة قالت ليها
الممرضة : والله واحد فيهم شرب خمرة و اتسمم
الاء : سجمي
الممرضة : بتعرفيهم ولا شنو
الاء : ايي واسمو منو التسمم
الممرضة : والله ما عارفة
الاء : شكرا
الاء ما صدقت لقت شمار زي دا عشان تكلم سماح تاني يوم الاء جات الجامعة بدرري مبسوطا عشان تكلم سماح بحصل
سماح جااات جامعة الاء اتصلت عليها
الاء: تعالى لي انا في القاعة ٢
سماح : كويس اهو انا جنبك
سماح و خشت القاعة ولقت الاء
سلمت عليها
الاء : عندي ليك شمار
سماح : شمار عن منو
الاء : علي
سماح : كدي وريني
الاء : امس مشيت اشوف حبوبتي في المستشفى بس شفتا ليك علي و معاهو عثمان و وتلاتة اولاد تاني
سماح : اها ما عادي يمكن عندهم زول عيان
الاء : سالت الممرضة قالت لي واحد منهم شرب خمرة و اتسمم
سماح اتهجمت
سماح : شنو
الاء : السمعتي
سماح : علي ممكن يعمل كدا نهائي
الاء : انتي بتدافعي لي كدا لي شنو
سماح و هي ما قاصدة
سماح : بحبو
الاء : شنو بتحبي
سماح : اي بحبو
الاء : انا اصلا شفتا الحب في عيونك تجاهو علي كيفك
سماح : اي بحبو عملتا غلط انا ولا عشان انتي زمااان حبيبك غشاك الاولاد ما كلهم زي حبيبك
الاء سكت ولا قالت ولا كلمة
وهم قاعدين في القاعة وجا واحد كورك ليهم في واحد قبضوا بمخدرات في القاعة ٦
سماح و الاء. مشوا يشوف الحاصل شنو.
لقوا الشرطة برة الجامعة واتنين من الحرس ماسكين علي
سماح : داك ما علي
واحدة ردت ليها اي قالوا هو بتاع المخدرات
سماح اتهجمت وبكت الاء ساقت سماح الاستراحة
الاء : كلمتك اها ظهر
سماح : وهي بتبكي انا ما مصدقة الحصل علي. يعمل كدا
الاء : ما تبكي ما يستاهل دموعك
التافه الحقير
الحقيقة المخدرات بتاعت عثمان و كانت في الشنطة بتاعت عثمان و الشرطة عرفت انو في زول معاهو مخدرات في الجامعة لمن علي عرف انو الشرطة في باب الجامعة وانو عثمان المخدرات معاهو علي قرر يضحي بنفسو عشان عثمان
لنو عثمان كان لس عيان و ابو عثمان لو عرف انو عثمان عمل كدا حيموت من الصدمة علي فكر. انو هو يضحي بنفسو عشان عثمان
علي ودهوا الحراسة وطلع بي كفالة اي زول كره علي ناس الحلة ناس الجامعة حتي ابوهو طردوا من البيت الا عم علي ساقوا بيتو
الوانسة في الجامعة كلها بقت عن علي و الناس بقت تزيد الموضوع موية
علي الود الطيب الخلوق مثال لاخلاق و الادب و التهذيب بقي اكعب زول
سماح اصدمت و بقت عيانة
والاء تصبر فيها
حسن ناس البيت قالوا ليهو اعوك تاني تمشي ما علي ولا تشوفوا ساااي حسن عارف الحقيقة و عادل عرف الحقيقة و عمر كمان
علي نزل الجامعة بعد شروط وادوهو انذار
عثمان خلي علي و نساهو عثمان بقي ما يسلم لي علي حتي
عثمان نسى اي حاجة
علي زعل من عثمان شديد
حسن عرف الحاصل و كلم عمر و عادل
حسن : عثمان دا زول جبان خلاص حركتو. خور و الله لو لقيتو ما بخلي نهائي
عادل : والله بكتلوو
عمر : انا عندي ليكم فكرة
عمر شرح الفكرة لي عادل و حسن
يوم علي جا الجامعة شاف عثمان جااي و معاو اصحابو صحباتو عثمان شاف علي عمل فيها ما شايفوا
علي استغرب و بكي
سماح شافتوا
جاات عليوو
سماح : انت بتحس يعني بتبكي علي شنو دي دموع التماسيح يا مجرم انا افتكرتك ودشهم
ود ناس طلعتا مجرم
واكبر غلطة في حياتي واني بديت احبك سماح بكت و مشت
عمر جااي يسوق علي و بمرة يغير ليو جو عمر شاف الحصل
وعمل فيها شاف اي حاجة
يتبع .................
0 التعليقات