هـجرة عـصافير الـخريف !!
🦆🦅🦆🦅🦆
ما أروعها من ثنائية
بالمناسبة (هجرة عصافير الخريف ) رائعه لها قصة مسرحها
- معهد الموسيقي والمسرح
- ابطالها زٌمرة من المبدعين وردي ، الحلنقي ، الدوش ، يحي فضل الله ، وآخرين
- الزمان الزمن الجميل
- المناسبة جلسة قهوة بعد إنتهاء الدرس
- السيناريو يتحرك (المجنون) عمر الدوش (لا إرادياُ ) ناحية السبوره بيد طباشيره ويكتب :
** هجرة عصافير الخريف ..!!
ثم يلقي بالطباشير في حالة من القلق
- ثم يعقبه الحلنقي ويكمل
** في موسم الشوق الحلو
- وتنتهي الجلسة
- ثم يعود حلنقي في زمن آخر ليكمل القصيدة !!
- ويلقي بها إلي وردي
- فكان ميلاد الرائعه جدا
ُ *هجرة عصافير الخريف*
*هكذا كانوا يصنعون الإبداع*
🌺🌼🌻🌹🌷💐🌸
هـجرة عـصافير الـخريف
في مـوسم الـشوق الحلو
هـيج رحـيلا مـع الـغروب
إحساس غلبني اتـحملو
وكتمت أشواق الحنـين
داير الدموع يتـقـلو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مشاعري أشيلا صيف
تـحت الـغمام شـايف مـواكب
الـهجرة اتـلاشت سراع
ليه يـا عـصافير ليه الأسف
مين علمك أسف الوداع
وعارف دا ما أول سفر
لبلاد بـعيدة بـدون مـتاع
زي ما بتخافي مـن الرياح
بنخاف كمان نحنا الضياع
ليه يا عصافير ليه الضنى
صفقة جناحك أحزنها
غـايـب الـسنين الـليلة مالو
غنا العصافير غـلبو
طراهو زولا كان ولوف
كم رضــا خـاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم في الـحياة
لا ضاق فراق لا جربو
وأنا حالي في بعد الوطن
دفعني ضي العين تمن....
🦋🌻🦋🌻🦋🌻
إسحاق الحلنقي
🌹
0 التعليقات