لقد وقعت في حب زوجتي

في ذلك اليوم خرجت لاخلو مع نفسي فذهبت الي المزرعة لعلي اجد ذلك الجو الهادي حيث النسيم وتغريد العصافير جلست قرب الجدول قاذفا بالحجارة علي ذلك الماء المنهمر وانا في حيرة من امري الي ان اتي صديقي الحميم عبدالله وهو ينادي يا ابراهيم يا ابراهيم وانا لا ابالي ومواصلا في قذف الحجارة وكأن صوت يناديني ولكن لم اركز معه كثير وانا احدث نفسي وفجأة اسمع صوت بالقرب مني مالك ياصديقي تناجي نفسك ابك جنون .
ابراهيم :جنون شنو ياعبدالله هو الزمن دا الا تكون مجنون عشان تتكلم مع نفسك .
عبدالله: قلت شنو من قبيل انا بنادي فيك وانت ما جايب خبر انا لو ما كذاب شكلك داير تعرس من قبيل تغني وتنشد في اشعار الغزل انت سمحة وانت قمحة في شنو داسي مني .
ابراهيم: لا شي انت عارف انا ما قاعد ادس منك شي ماعلينا ارح نشوف شغلنا ياخ
ومرت الايام والسنين وانا لاازل اكنن لها ذالك الحب ولكني لم ابوح لها بهذه الكلمة المحرمة لعلي عندما اقرر ان اطلق تلك الكلمة الصعبة تجدني قد تبكمت ويعجز لساني عن النطق بها (واني ليثنيني لقائك كلما لقيتك يوما ان ابثك مابيا) وفي ذات يوما فكرت مليا في الامر وجلست مع نفسي ورجعت بالذاكرة الي الوراء وصرت احدث نفسي (اه اه يا ابراهيم انت المرة دي قصرت معاها احبك ساي ما قادر تقول ليها معقوولة ما قادر تنطقا لكن انت يا ابراهيم تنطقا كيف البت والود كبرو وولسع ما قادر تنطق الكلمة دي خلاص اكتبا ليها في ورقة لا لا ما ظريفة اه اه تذكر ووقت اول مرة شفتها وقلبك وقف وبي سببا خليت السجاير والتمباك كان يوم عصيب وسط الزملاء وانت كنت طالب جات مقاطعة والسجارة في خشمك وانت واصدقاك لاتبالون من الفاظ وشغب وغيره ولكن عندما رايتها اصبحت كالصنم فسقط تلك البرنجية من فيك واخذت تبرر لها ان هذه السجارة ليست ملك لك وانما هي وديعة من احد الاصدقاء وكنت تكذب وانت لاتبالي ولكنها غفرت لك هذه الكذبة رغم انها تدري ان السجارة ملك لك اه اه يا ابراهيم الكلام دا عيب تذكر بعد اليوم داك كنت عندك خمسة اكياس من التمباك من العيار الثقيل داخل الثلاجة ختيتم عشان يتعتقو رغم ذلك شلت الاكياس دي وديتا القمامة واقلعت نهائيا من التبغ وارتحت من مراوغة ناس البيت وصعوبة وضع الكيس في التلاجة بعد دا كلو تعاملا معاملة شينة زي دي تعال هنا يا ابراهيم ياتو يوم سقتا المرة دي لحتة رفاهية غيرتو جو ما عليك الا بي نفسك من تمرين لي تمرين ومن مرق مع الاصدقاء لي مرقة لي بس خصص ليها يوم خليها تتسوق بي مزاجا وخليها تطلع معاك الحتة العاوزاها حرام عليك وين كلامك الكنت بتقولو ليها يالك من كذاب هسا قم امشي البيت وقول ليها بالفم المليان انا احبك ايو قوم).
نهض ابراهيم بحماس وشجاعة ودخلا المنزل ووجدتها عند دخوها قائلا يا ام بيان
ام بيان :نعم يا شاب .
ابراهيم :ياخ انا اممممم اااااا انا .
ام بيان : مالك الليلة تتمتم كدا .
ابراهيم : في سرو ياخ الكلمة دي صعبة كدي اقولا بالانجليزي عشان ما تبقي لي صعبة اسمعي اي لا اي اي اي انت ما سمعتي بالاغنية دي تقول اي اي ياخ الله يذكرني اسما نسيت والله خلاص مرة تانية .
ام بيان :اجي الله انت مالك خلاص اعمل ليك عصير .
ابراهيم : شوف هسا مشت تعمل ليك عصير اهتمام وكدا وانت ما ادر تقول ليها احبك اخخخخخخ.
بعدين شوف هي من ريدتا ليك جلابية مكرفسة ساي ما تخليك تطلع بيها ياخ انت مقصر وصاح ابراهيم بصوت عاليا يا ام بيان اسمعي انت يامرة هي تعالي سرعة ام بيان :الصبر جاية ابراهيم:وين انت تعالي ياخ .
ام بيان: اها امسك العصير اصلك شفقان.
ابراهيم :ياخ خلي العصير انا انا انا اممم ياخ انا احبببببببببببببببببببببببببببببببببببببببك .