..... خرمجة المساء ......
الشاكوش في القرن العشرين
كما نعلم ان الشاكوش هو اداة يستخدمها الحرفين في اعمال محددة ....
اﻵ ان إستعمال الشاكوش في القرن العشرين بات يدلل ليرمز لﻵشياء اخرى ليعبر عن اﻵحاسيس و العواطف خاصة في ميادين العشاق .....
الشاكوش كمصطلح يستخدمه الشباب يعني أن تقدم طرحا بخصوص الزواج لﻵهل محبوبتك و ترفضك اﻵسرة فتصبح " مشوكشا " اي ضرب شاكوشا او " أدوه شاكوش " ....
و قد يعني أيضا ان تتقدم بطرح لفتاة اعجبت بها لتدلل لها عن مدى اهتمامك و.إعجابك بها ولكنها تقول لك " احسن نكون اخوان " او اخير نكون اصحاب احلي " او قد تقول ليك انا ما عندي ليك حاجة امشي مني ما عايزاه معاك ....
و هكذا تصبح احد الذين ضربهم الشاكوش و تذهب بعيدا " بإحترام "
في يوم ما كنا انا و صديقي في مجلس لنا و تأتي فتاة حسناء و تظهر عليها عﻵمات الحناء و الزواج فيقول صديقي : ي يوسف مش دي البت الكان ادتك شاكوش و اسع عرست ����!!!
لكن صديقي ليس مذهول بزواجها و إنما ليعيد ذاك الجرح القديم لكن " بعد إيه .
فقلت له : ياخ انا حمتي خفيفة اخير انا " قصاني " مغترب و بعدين زاتو الشاكوش كان خفيف ﻻنوا البت ما في نفس التخصص حقنا يعني اخف قدرا ��
المشكلة ي صحبي في الزول البياخد شاكوش و حببتو تعرس " محلي " يعني راسوا يتقطع و يتشوكش و لسع تكون قاعدة معاه في التخصص " و ﻵ غصبا عنك " المهم تسوي شنو اﻵ تشوف بي عينك .....
# عزيزي الولد ياخ المشكلة ما في إنك تاخد شاكوش . المشكلة في إنك تاخد شاكوش و تاني تختي درب الحب و " العوارة " ياخ ما تستلم فالنساء سواها كثر امشي عيش حياتك عادي بل و احسن ....
# ياخ العبد لله مرة اخد شاكوش لمن " معدلي نزل " و بقيت اكتب شعر ورويات و ما عارف إيش تبقي زول " صلب " ما تتهزي يعني ممكن تاني تاخد شاكوش و تواصل المسيرة عادي....
فالعبد لله يرى ان اي راجل ما اخد شاكوش " ما راجل " هههههه
لكن كتر خير اصحابي لهم التحية من هذه الخرمجة انهم إنتشلوني من ذلك الشاكوش الذي " فجق " رأسي و ما خلوني براي و الحمد لله اﻵن مستقر و اموري ماشة كويس جدا ��
# عزيزتي البنت ياخ اﻵوﻵد ديل مساكين ما من اول مرة شواكيش تنزلوا فيهم زي دا براحة شوية والله نحنا لو زعلنا صعبين خﻵص ...
ما تخلوني ازعل و اقبل عليكم ...
# يوسف محمد علي
2/ يناير2017
0 التعليقات