خرمجة الغزل و اشياء اخري

....خرمجة ...

.....  الغزل  العفيف  مع  المدح  من  اجل  اﻹعجاب  او  التكسب ....

بقلم / يوسف محمد علي

كان  يجلس  بجوار  محبوبته  و هي  تعد  له  فنجان  قهوة  او جبنة ( كاربة ) ...

فقال لها :

إنتي  يا  ام  ديلك
تالتاويك  ذي  بكر  ناس  ديلك

التفسير : من  المعروف  ان القهوة السودانية ( الجبنة ) ثﻵث  دفعات  الدفعة  اﻵولي  ( البكر ) ...  الدفعة  التانية  ...   ثم  الثالثة  ....  فقال : إنت  يا  ام  ديلك  اي  ست  ناس  بيتكم  فنجانك  الثالث   ( تالتاويك )   يعادل  بكر  اخرين ..... " غزل  عفيف  و مدح  من  اجل  التكسب "

قالت  اخري :

سوا  و ما  يقول  سويت
ادي  و ما  يقول  اديت
تسلم  يا  كبير  البيت

هذه  النغمة  نسمعها  كثيرا  في  اﻵعراس  فهي  منوال  و  إلياذة  بنات  حواء  السودانية  في  مدح  العريس  السوداني  ( حتي  و ان  كان  بي  سجم  رمادوا ) يقولوا  ليهو  الغنية  دي   هي  ما  شرط  تشمل  الصفات  دي   لكن   بس  عشان  يمشوا  نغمة  العرس  و يصنعوا  جوا  فرحة  او  عشان  الفنانة  دايرة  ليها  قريشات ( نقاطة )  تشكر  العريس ( السجمان ....

جييك  ما  يشيل  فكة  و خشمك  ما  يشيل  ( سفة )   و  هو  تلقاه  اكبر  ( كمساري )  من  كثرة  الفكة  الفي  الجيب  ....  و شﻵليفو  بقت  زي  ( كورة  الشراب ) من  كترة  ( سف  التمباك )

لكن بس  هي حجأت  عشان  تمشئ  الشغلة بس ليس  اكثر .....
" المدح  من اجل  التكسب "

# المدح السياسي :

جبت  الموية  لي  العطشان
جبت  اللقمة  لي  الجيعان
جبت  الهدمة  لي  العريان

هذه  العبارات  كانت  تقال للرئيس  اﻵسبق : جعفر  نميري   الذي  في  عهده  كان  السودان  في  عهده ( الزاهي النضير )  و كما  تعددت  الاغنيات  و  الثناء  له ....

يقول  العم X   ياخ  ماف  حاجة  اسمها  زمن  نميري  كان  السودان ( باسطة )  بمعني  انو  نميري  هو  الجاب ( الباسطة )  ...  يعني  زمن  نميري  كان  في  خير  في  المنطقة  كلها  بي  الدول  المجاورة  كانت  امورهم  باسطة  و كدا   و  هو  جا  في  زمن  كان  في  رخاء   يعني  ما  جاب  حاجة  من  عندو  عشان  الناس  تمجد  الراجل  بي  الطريقة  دي ....  انا  بفتكر  انو  كﻵموا  منطقي   و ﻷ  انتو  شن  قولكم ....؟؟؟!!!

# مدح  الخوجات   " غزل الكفار "    تعالوا  شوفوا  الجماعة  ديل  يقولوا  شنو !!!؟
دا  لورد  براون قال :

And all that's best of dark and bright

Meets in her aspect and her eyes.

قال  كل  ذاك  الجمال المميز  الضوء  و الظﻵم  او  البياض  و السود   يلتقي  عند  و جهها  و  عينيها   او  عينيها  التي  بياضها  شديد  البياض  و  سوادها  شديدا  السوداد  ايضا ....  هههههههه   ياخ   دا  طلع  لينا   بناتنا  و حبيباتنا اي  كﻵم  ساي .....

# انا  بقول  زي  ما  قال  ابو  امنة  حامد رحمه  الله ..

التوب  المهبهب  فوق  امات  ضفاير
و  الخد  المعطر  زي  احلي  اﻵزاهر
و الشامة  اﻵنيقة
ترنيمة  مشاعر 
انا  ليك  كل  عمري  بمشيلها  و  بسافر (  عمري  كلو )   اجري    وراء  شامة   لو  مشيت  لعبت  كورة  كان  اسع  ست  الشامة  تجري  وراي   ههههههه ..

# بيني  و بينكم  الشامة  تستاهل  يجروا  و راها  هههههه.
#  يوسف  محمد  علي .