سماح استغربت بعد الكلام السمعتو من علي وقالت في نفسها : بعد شي العملتوو فيهو دا يجي يسامحني بكل البساطة دي سماح قامت الصباح ومشت علي جامعتا سماح برضو برلومة لكن مفتحة شديد السبب اختها كانت في جامعة و كانت بتسوقا معها اختها اسي اتخرجت واشتغلت
سماح عندها صحبتا اسمها الاء
الاء بت شاطرة يعني حفارة جنها قراية و بتكره الاولاد السبب انو كانت بتحب واحد زمان لمن كانت في ثانوي وغشاها وخلها الاء بت جادة و صارمة واكتر زول بتحبو و بكون اليوم كلو معاها سماح سماح لاقت الاء وحكت ليها عن علي و الكلام الحصل
الاء : عليك الله قلتي لي كدا تمام يستاهل واي ولد يستاهل
سماح : لكن انا صراحة غلاطانة
الاء: هيي هيي ما تحني عليو شفتي الاولاد ديل جزم كلاب
سماح : ضحكت خلاص ارح نشوف فطورنا وين
نهاية اليوم سماح رجعت البيت و لس متذكرة علي
سماح شالت تلفونا وفتشت المحادثات ولقت رقموا في البداية خافت انو ما ترسل ليوو المهم رسالت ليو ولقت الرقم متصل
سماح : هلا
علي : وعليكم السلام مين معاى
سماح : معاك سماح
علي : سماح ما عرفتك والله
سماح اتحرجت اللحظة ديك
سماح : انت البت الفي القروب
علي : ايووو
سماح : والله معليش انا ماقاصدة سامحني
علي : عادي ياخ ما تاخدي الحكاية والله انا ما زعلان
سماح : سامحني
علي : سامحتك والله وانا ما زعلان
سماح : خلاص لي شنو غادرتا
علي : اصلا عاوز اغادر وصادفت كدا
سماح : ايوووو
علي : بعدين بيني وبينك كدا كلامك في جزء صاح
سماح : ههههههههه
سماح : اسمك منو
علي : علي
سماح : اتشرفنا فرصة سعيدة
سماح اخير شعرت انو هي ارتاحت وكدا عثمان ضاف علي تاني في القروب و حلفوا عليك انو ما يغادر تاني علي رجع القروب وبتفرج من بعيد ما برسل ولا بشارك في يوم عادي جدا علي صحى الصباح بدري و مشي الجامع صلى الصبح وفي طريقو لبيت شاف حسن
علي : يا حسن يا حسن
حسن اتلفت وجاء على علي
حسن : اها خلاص خشيت الجامعة واختفيت دي منو السرقتك مني نسيتني خلاص
علي : انت مختفي والله
حسن ضحك : ازيك يا مان
علي: الحمدالله وانت
حسن : والله الجامعة قراية قراية يا الطب دا شي ما ساهل والله دقسنا ساااي
علي : يا مان دا كلام شنو دا حلمك لازم تتعب عشان تنجز
حسن : وانت كيف مع القراية
علي : ماشي الحال
حسن شاف ساعتو : شت يا مان الساعة سبعة محاضرتي الساعة تمنية
علي : وانا زاتي والله لي بعدين كان اتلقينا
علي مشي على بيتو وحسن مشي على بيتو
علي لبس مشي الجامعة مشي الكافي قعاد منتظر عثمان يجي في نفس اللحظة سماح جات ماشة والاء كانت منتظرها
الحقيقة انو علي و سماح في نفس الجامعة لكن ما في نفس الكلية سماح بتقرى ادارة اعمال
وعلي بقرى تقنية معلومات
سماح عندها امتحانات وعاوزة تخش المكتبة عشان تقرى
سماح : يا الاء انا ماشة المكتبة وعاوزة اقرى هناك ممكن تجي
الاء : والله مصدعة وتعبانة وماقادرة اعمل اي شي ماشة بيتنا
سماح : يا معفنة كويس بوريك
الاء : يلا باي لي بكرة
سماح : يلا
سماح خشت المكتبة والاء مشت علي نظامو محاضرتوا انتهت البيت طوووولي علي بكره الجامعة شديد ما بقدر يستحمل يقعد فيها ثانية زيادة
علي : الو عثمان وين انت
عثمان : انا في القاعة خالط واموري دسيسة من اسي يا حجر ما تجيني لقيت لي عربية وبتاع يعني الليلة بايعك يا فردة
علي ضحك : والله يا عثمان ايامك لكن الله يهديك
عثمان : اسمع يا دسيس الاصلية دي جاات مع سلامة
اسي علي براهو وماعوز يرجع البيت زهجان من الحلة من قعاد البيت علي ما عندو حاجة لي زول شاف ليو اقرب جنبة انتكا ونااام
سماح انتهت من قراية واسي راجعة البيت و الوكت اتاخر مافي موصلات و الواطة ضلمت
سماح وهي ماشة بتفتش في الموصلات في شباب راكبين عربية زي بدو يشاغلو فيها سماح غيرت الشارع برضو لحقوها
واحد منهم : علي وين يا جميل ممكن نوصلك علي فكرة
واحد تاني : انتي مزة قاطعة علي فكرة اكيد انتي امك نحلة مش
سماح : وانت مالك يا صايع يا تافه
واحد نزل من عربية وجر سماح من يدها سماح ضربتو كف
علي جاي طالع من هناك و شاف الجوطة بت بتشاكل مع اولاد و شاف الوضع ما طبيعي علي جر عليهو
علي : الحاصل شنو
واحد رد عليو : وانت مال اهلك
سماح : ديل اولاد ما محترمين وعاكسوني
علي : الكلام دا عيب منكم ما عندكم اخوت في البيت
الواحد السماح الضربتو كف
دفر علي وقال ليهو : واسي دي اختك مالك و مالا
علي زول فهمو واحد بزعل سريع ضرب ليك الود بنية كاربة لمن واقع طبعا الاولاد طلعو الاولاد ميكي رفعوا وركبوا العربية و جرو
سماح : شكرا ليك كتير
سماح كانت ورا علي ما شافت وشوا
علي قبل عليها وردا : ما مشكلة بس انتي ما تطلعي متاخرة
سماح : لمن شافت وش علي اتفاجات
قالت : انت مش علي
علي مستغرب : اي انا علي
سماح : دي انا سماح
علي : ضحك سبحان الله
سماح : كل مرة بتخجلني
علي : الخجل في شنو ياخ
سماح : ما عارفة اقوليك شنو اول شي اسفة و تاني شي شكرا كتير
علي : واجبنا ياخ ما مشكلة اها ماشة علي وين
سماح : قدام شوية
علي و سماح ركبوا الموصلات و سماح وصلت و نزلت و علي واصل طريقو
علي وصل ماشي علي البيت لقي عمر
علي : عمر ازيك وين انت يا زول
عمر : والله الجامعة و كدا
علي : نفس الشي
عمر : قالوا لي جامعتكم فيا جكس عجيب خلاص
علي : انت عارف انا ما عندي علاقة بكلام دا
عمر : والله جامعتني كلها كونجرت شنين ياخ
علي ضحك : يا زول انت مشيت عشان تقرى ولا عشان تجكس
عمر : انت عشان ما في جامعتي يلا يا مان شايفك تعبان و جاااي من الجامعة
علي : قاشر كدا ماشي وين يافردة
عمر : عرس والله امشي اطق و اشوف الجكس الماخمج داك
علي : ايامك يادفعة يلا يا مان
عمر : يلا
علي مشي علي البيت
................يتبع
0 التعليقات