علي خش البيت ناااام نوامة كاربة صحي بتلفون من صحبو عادل
عادل زول هادئ ورايق ما بحب المشاكل عادل قراء الثانوي معى علي سواء في نفس الفصل عادل شالو في جامعة غير جامعة علي المهم عادل جاء لي علي في البيت
علي كان قاعد في الحوش سمع الجرس علي مشى على الباب وفتحو لقى عادل واقف
علي : اوووووو عدولة اتفضل اتفضل
عادل : علي ياخ مشتاقين
علي و عادل خشو البيت جوء
و الونسة بدت ايام الثانوي و الاجازة و المدرسة اتونسو اثناء الوانسة
علي : الجامعة معاك كيف يا زول
عادل : والله الحمدالله كانت تمام
علي : واسي يعني ما تمام ولا كيف
عادل : والله تمام بس لحدي اول امس
علي : حصل شنو
عادل : والله شفتا لي بت يالله عجبتني عديل
علي : اوووووبا احكي احكي
عادل : ياخ سمحة اول بت تعجبني
علي : اول واحدة يا كبير تذكر نعمات ست الشاي
عادل : ههههههههههه ياخ انت ياخ داك لا حب لا بتاع
علي : عجبتك يعني
عادل : ايي ودايرو معا
علي : اووووووو روميو ظهر
عادل : انت فاضي من التعرصة انا جادي
علي : معليش يا فردة
عادل : ياخ سنفورة رايقة خدرة ناعمة تمشي زي الوزين
علي عاوز يضحك وما قادر عشان عادل ما يزعل
عادل : الرقبة كيف و الخصر دا كيف و الكتوف
علي : كفاية كفاية امرؤ قيس
عادل : ما بقدر اوصفا زاتووو
علي : هههههههههههههه اها ان شاء الله كلمتها
عادل : لس والله
علي : ياخ انت من قبيل بعد دا كلو ما قابلتها شت ياخ
عادل : بكرة بحاول احنك معا
علي : احسن شي تكون سنجل
انا لا اؤمن بوجود الحب
وضحك
عادل : كلكم بتقولو كدا
علي : انا كلام الجكس دا ما عندي ليو شي
عادل : اوووو الزمن اتاخر والله لازم امشي
علي : ما بدري يا مان
عادل : المرة الجاية
عادل مشي و علي رجع البيت بعد ما قدموا علي شال تلفونو
فتح الواتساب لقى القروب مسخن ونسة و مشاركات تقيلة
علي شاف الموضوع كدا جوطة قال احسن يتخارج من القروب كدا جاتو رسالة من رقم غريب
هلا
علي : اهلا مين معاي
الرقم كان بتاع سماح
سماح : سماح
علي : سماح كيفك تمام
سماح : الحمدالله
علي : معليش رقمك ما مسجل لكن بسجلو
سماح : ما مشكلة عادي اها مالك ما بتشارك في القروب لي
علي : والله مزاج بس
سماح : ما علينا انت معاي في جامعة يعني
علي : اي انا تقنية
سماح : انا ادارة
علي : انا برلوم صراحة
سماح : انا برلومة زاتي
علي : هههههههه الله لينا
سماح : فرصة سعيدة
علي : فرصة سعيدة
سماح : يلا شاوووو
علي : باااي
علي دي اول مرة يتكلم معي بت في حياتو
علي شاف الوكت اتاخر قفل تلفونو نااام
وسماح عملت نفس الشي
علي قااام نشيط ومشى الجامعة
ضرب تلفون لي عثمان
علي : الو عثمان جاااي
عثمان : ما جاااي يا زول انا في مصر جوء دسيس و مزز بلا جامعة بلا قرف
طبعا عثمان اهلو في السعوداية
وهو هنا ساكن في شقة معى اصحابوا
علي : لا اله الا الله يا زول كدا بضيع
عثمان : ياخ الحكاية بداية سيميتر كلو بتلحق
علي : ما مشكلة اي لكن الحضور كيف
عثمان : بظبت
علي : خلاص تجي بسلامة رصيدي يا مان البركة في ام تي ان
عثمان : باااي يلا
علي صحبو الوحيد سافر واسي قاعد براهو علي مشي الكفتيريا
عشان يفطر شال السندوتش بتاعو طلع
شاف سماح و معها الاء سماح شافت علي سلمت عليو من بعيد و هو كمان طووولي قالت لي الاء : دا علي الود الكلمتك عنوو
الاء : دا هو
سماح : اي هو
الاء : شكلو ودناس و طيب لكن ما تضمني الاولاد كلهم واحد كلهم كلاب
سماح : ههههههههههههههههه انا ماعوزة احبو ولا اعرسو انا بس بعرفوا معرفة ساااي و بعدين زول وقف معاي لحقني وكت ما في زول انا بحترموا لنو ود شهم
الاء : سجم انا غايتو قلتا كلامي
سماح : يلا اتاخرنا سرعة عشان المحاضرة ما تفوتنا
علي كان نعسان و نام في المحاضرة و تاني صحا المهم اليوم انتهي ورجع البيت في البيت من جاء نااام صحي المغرب ذاكر شوية مشى صلي العشاء بعد صلاة العشاء نااام تاني ما قام الا الصباح
علي مشي الجامعة شاف لي بنش تحت الشجرة قال يقعد في لحدي زمن المحاضرة يجي وهو قاعد سماح شافتو جااات عليو
سماح : وين يا برلوم
علي اتلفت لقاها سماح
علي : ازيك اتفضلي
سماح قعدت جنب علي
سماح : شايفك مسترخي و مستفرد كدا قلتا يمكن الزول بكتب في شعر
علي : ههههههههه والله عدم موضوع بس
سماح: علي ممكن اسالك سؤال
علي : جدا
سماح : انت بتحب تقعد براك دائما كدا ولا بس في الجامعة
علي : والله ما عارف طبعي كدا
سماح : ههههههه غايتو جنس شي
علي : والله جد
وهم بتونسوا و كانوا بدو ينسجمو عثمان جا من مصر ودخل الجامعة شاف علي وقاعدة جنبو سماح عثمان مشي لي علي
عثمان : وانا مافي حدثت تغيرات كثير بقيت تخلط و بتاع وانت مين يا جميل علي كشر لي عثمان
سماح ضحكت
علي : سماح لي بعدين كدا
علي ساق عثمان ومشوا
سماح مستغربة
علي : يا جن انت ما تهظر في اي حتة
عثمان : ابرد
علي : ابرد شنو ياخ
عثمان : خلاص معليش
علي : زيت يا مان جيت متين انت
................يتبع
0 التعليقات