وظائف شاغرة !!

....  خرمجة  ....

#  وظائف " شاغرة " في  السودان .

بقلم / يوسف محمد علي .

بعد  قضاء  فترة  دراسة  خمس  او  ست  سنوات  بكاﻵريوس " شرف "  و تدعيمها  بسنة  اخري  " خدمة وطنية "  بعد  هذه  السنوات  من  حقك  ان  " تحلم " بوظيفة  شاغرة في السودان  عشان " تسد  الرمق " و تاكل  ليك  شوية  عيش ...

لكن  الحلم  بوظيفة  في  هذه  اﻵيام " النجسة  المرة " ﻻ  تأتي  لخريج  و لو  صدفة  في  اليقظة  او  المنام ...   لدرجة  ان  معظم " خريجي  السودان " من  التخصصات  المختلفة  اصبحوا  مجرد " مواطن  كﻵموا  كتير  " صباح  مساء  يهجون  الحكومة  و.نظام  الخدمة  المدنية  ...  و.خير  شاهد  المقاهي  و مجالس  الشباب  المعروفة  و توجد  حكاوي  و رويات  كثيرة  عنهم  و كلنا  يعرفها ....

اليوم  كنا  نتحدث  عن  الوظائف و ما  ادراك  ما  الواظائف " المسودنة "  و يوجد  احد  ألساخرين  من  الطبقة  اﻵولي  تخصص " نبذ  السودان  و السودانية  و الحكومة " و هو  يختص  بعقد  مقارنات  هنا  و.هناك  ...

بعد  حديث  طويل  قال له  صديقي :  ياخ  انت  يومي  شغال  تنبذ  السودان  و الحكومة  ما  اسع  انت  الحكومة  وظفتك  و امورك  ماشة  عال  العأل  .....  و ذاتو  انت  خريج  إقتصاد  و شغال  استاذ  يعني  انت  اسع  شغال  في  وظفتي  انا  ....ههههه  و ك العادة  هناك  شد  و جذب ....

هذا  ايضا  اخر  يقول :  والله  يا  يوسف  ما  تسمع  الشغلة  مدروسة  " وساطات  و محسوبية  و كدا "  ما  ح  يشغلونا  نهائ  بس  نسوي  شنو  نصبر  اﻵ  ناس " عمر  البشير"   ديل  يموتوا   الوكت داك  ح  ناقي  شغل ... المهم  اسع  نلم  لينا  قروش  شوية  كدا  " نقد "  نفرتق  من  ألبلد نسافر  يا  بقينا  " جوا  البحر  يا  بر  البحر " تاني  ماف  حل  غير  كدا ....

 
يرد  له  اخر : ياخ  انا  ما  معاك انا  ﻵ  تبع  عمر  ألبشير  ﻷ  حاجة  لكن  إتأكد  إذا  جا  واحد  تاني  ينشف  ريقنا  و يطلع  باقي  زيتا  الفي  دا    الوكت  داك  نقول  اخير  القديم  اخير بشة  اسع  نقول  الحمد  لله  يمكن  اﻵمور  تتصلح  ....   يمكن !!!

#  اصبح  حلم  كل  شاب  سوداني  بعد  تكملة  دراسته  الجامعية  و " مغادرة " ارض  الوطن  بحثا  عن " حياة .

#  هل  من  حق  الشباب  السوداني  ان  تتوحد  احﻵمه  جميعها  في  قألب  واحد  و هو  " موسم  الهجرة الي  الخارج " ؟؟؟؟

ليش  نحنا  ما  نتفائل  إنو  الحكومة  الجديدة  تكون  افضل  و  ليش  ما  نجرب   ياخ  ما  يطلع  زيتا  لو  طلع  زيتنا  فقد  طلع  من  قبل !!!

# فكرة  يمكن  صحيحة # ما  دام  نحن  ما  مقتنعين  بالحكومة  الحالية  و الحكومة  ال  ح  تجي   نقوم  نقدم  طلبات  لي  ناس  يحكمونا  و  تبقي  في  # وظائف  شاغرة في  السودان #  نجيب  خوجات  و عرب  و ما  عارف  إيش  نعمل  ليهم  معاينات  لي  وزراء  و رئيس  و  هيكل  كامل  و نتفق  في  الراتب  العجبوا  الراتب  يشتغل  الما  عجبوا " يفتح الله " طال  ما  لم  نقتنع  بأنفسنا ...  نقوم  نوفر  " وظائف  شاغرة   لي  ناس  من  برا  السودان  يحكمونا  مالوا  ما  بي  قروشنا  و ﻵ  ما  كده .....
_______________________

# يوسف  محمد علي .

http://Khrmjh.blogspot.com