...... خرمجة اليوم _ هيا نضحك ...
يوسف محمد علي .
من اطرف ما قرآت في الرومانسية السودانية تعالوا شوفوا التقرير كتبه # علي بلدو . بحري .
" قام أحد الشباب بمفأجاة غير متوقعة لخطيبتة أثناء جلوسه معها نهار الاربعاء ،بإحدى الكافتريات بالقرب من سوق سعد قشرة بضاحية بحرى بالعاصمة السودانية الخرطوم ، وأقدم الشاب الثلاثيني على إخراج فنجان قائلا لخطيبتة أنه يحوي الدموع التى زرفها ليلة )الاربعاء( أثناء نقاشها معه ، وانه يقدمها كدليل لحبه واخلاصه لها ، مما ادخل الفتاة فى حالة من الذهول والتعجب ، وجعلها تبكى هى الاخرى وتسكب دموعها على نفس الفنجان ، بصوت عالى جذب اهتمام الحاضرين ، بحسب ما أوردت صحف محليّة صادرة بالعاصمة السودانية الخرطوم
.من ناحيتة ذكر احد عمال الكافتريا )ن، م( أن الشابين من المداومين على الجلوس لفترات طويلة منذ مدة ، وانهما غالبا مايتشاجران كثيراً ، قبل ان تعود الامور سريعاً الي مجاريها ......
# حاجة مضحكة و لذيذة .
.... كدي نحلل شوية # صدقنا هو بكي " دموع تماسيح " كتيرة خﻵص و ختاه في فنجان ....
خﻵص لماه في الفنجان كيف ؟؟؟؟ إستخدم شنو لي جمع الدموع في الفنجان وفي كم يوم قدر يملي الفنجان او نصه ؟؟؟
وﻷ خت ف الفنجان موية و قال ليها دي دموع كناية عن انو هو " بكاي " و حبيب شديد و كتير .ههههههه
انا ما عندي إعتراض في إنو هو بكي ما مشكلة مش هو بحبها ما عندو " ذنب " الحب كافر " بس انا متحير في إنو صاحبنا دا بكي و خت الدموع في فنجان و هي كمان " الهبلة " صدقت دي دموع " حقيقية " و بكت في " نفس الفنجان " و الشريحة قرت فيها المسكينة .
# المهم علي حسب ما نري إنو # البنت السودانية ذكية جدا و تعرف تحدد الحب الصادق من " دموع التماسيح " خاصة من تدربن عليه " يعني اعمار الجامعات و لي فوق " و خاصة " روميو " عندو 30 سنة يبكي في " فنجان عشان يثبت حبه لها و في النهاية ما تعرسوا ... يبكي تاني " كباية شاي ثم ؛ كوز و يتطور البكاء ...
بعدين بت سودانية عشرينية " نادر " ما تصدق او تقري فيها شريحة " الحب العزري "
خاصة لمن تقول ليها # احبك / و ما عارف إيش من العبارات ديك فهي تصدق تماما إنك تسعي لنيل إعجابها بأي الطرق الممكنة و غير الممكنة .... نادر ما توجد # بنت سودانية ولد يقول ليها احبك و هي تقول ليهو : و انا أيضا .... غايتو انا ما عندي علم ﻵنوا ما جربت هههههه لكن الطلس بتاع الحب دا يقري في بنات الثانوي _ حديثات العهد في الرومانسية السودانية ... المرة ��..
# ألحاجة التانية البكاء ما عيب لي إثبات # ألحب العزري ... طال ما إنت حبيت بي " صدق " اعمل فيها هندي امشي ألمعمل قول ليهو اديني طعانة # اطعن اصبعك و اعمل ليها دم في جبهتها # كدا تكون حبيت حب " عزري هندي ' اسرع و اسهل من تبكي " ايام عشان تملي ليك " فنجان " ههههههه
# و من الحب ما قتل ...
# و من الحب ما ملئ فنجان _ في السودان ...
