تﻵتة سنين / الشاعرة عزة محمد

تلاته سنين :-

تلاته سنين  من الضنى والعذاب قاسيتا .

           عدت زي دهور من عمري إتخطيتا .

شالت كل حنيني وهدت احلامي البنيتا .

      نزعت كل مشاعري وكأني ماحسيتا .

تلاته من الخداع والزور .

تلاته من الظلم والجور .

تلاته من الألم والمر   .

تلاته دموعي فيها نتاج آنين وبحور .

كيف قلبك يطاوع فيك .
       كيف أشواقي هانو عليك  .

كيف روحي الوهبتها ليك  .
       كيف تقدر تعيش من بعدما جرعتا قلبي سموم اعديتا بي إيديك .

         طريقك ليا أصبح طيف .
     وماأظن يوم يزورو خريف.
    درب فيهو السراب والزيف.
سفينتنا الزماااان إتكسرت وفتاتا وصل القيف  .

تلاته جراح .
تلاته نواح .
تلاته صراخ .
تلاته وكل يوم أنا عشتو فيها قليبي ينزف وكأنو ضاربا رماح .

تلاته هي كانت ليا درس اليم .
         وكان كل الليالي العدو عشتا جحيم .
خلاص خلن قليبي يتيم .
          خلاص شكرآ وأنا ربي بيا رحيم .
           خلاص شكرآ وأنا ربي بيا رحيم .

# عزة  محمد