يوسف محمد و التعامل مع الهدايا

...... خرمجة اليوم ...

يوسف  محمد  و التعامل مع  الهدايا .....

طبعا  العبد  لله متخلف  شوية  في  مسألة الهدايا  حتى  لو  عايز  اشتري  لي  هدية  لي  زول  أقوم  بإستشارة الأخت X و من هنا  ابعث لها  التحايا  انا  شخصيا  في إعتقادي  البنات  زوقم  أجمل  و افضل  في  إختيار  الهدايا  و الملابس  و ما  الى  ذلك  فأنصحكم  لو  عاز  ترسل  ليك  هدية  ادي  اختك  القروش  و هي  براها  تتصرف ......
ما  دفعني  لكتابة  هذا  المنشور  عندما  قال لي  أختي :  يا  يوسف  تعال  شوف  الهدية  دي  جابوها  لي  في  عيد  ميلادي ^  الهدية  عبارة  عن دفتر متوسط  كدا " بناتي الالوان  و التصميم ...
يوسف :  يا  سلااام  دا  دفتر  جميل  ياخ  و الله  دي  بت  راقية  خلاص  الجابت  الدفتر  دا !!!
لكن  ليش  ما  بفتح  ملصق  و لا  شنو " و  العبد لله  يعافر الدفتر  المهم  قربت  اكسر  الدفتر  ههههه " 
تخيل  عزيزي  القارئ  طلع  الدفتر عندو  مفتاح  و كالون صغير  كدا  ههههه  تدخل  المفتاح يفتح  معاك ....
و لو  بقيت  انسان قوي  و تتعامل  مع  الاشياء  بي  قوة  راح تكسر  الدفتر  و تخش  في  اضافرك 🤣🤣😂😂
قالت : لا  لا  لا  اقيف  افتحو  ليك 😂😂

على العموم العبد لله  اصلا ما  بعرف  عيد  ميلاد  و لا  حصل  عملت  لي  عيد  ميلاد  و ثقافتي مع  الهدايا و اعياد  الميلاد " مقرمشة "

# يوسف محمد / 9 ابريل / 2018