.... خرمجة اليوم .....
رفع الحظر " الجزئي " الشعب يحلم و.يطمح و.يبالغ في سرحانه " 2"
بقلم / يوسف محمد على
كما اوردنا في مقالنا السابق بأننا سوف نتابع الحديث عن رفع الحظر على السودان في اوراق متعددة .....
اليوم سوف نتحدث عن بعض ما جاء في محاضرة المخاطبة قسم اللغة اﻹنجليزية بجامعة كسﻻ و التي يقدمها اﻻستاذ / وليم " إمريكي الجنسية "
لخص وليم خﻵصة رفع الحظر عن السودان في ورقة A4 كشكل من اشكال المخاطبة حيث قام بتقديم الورقة و من ثم قام بطرح عدد من اﻵسئلة على ضوء فهمنا للفقرة التي قدمها و كان معلقا على كل اﻹجابات حتى " إرتعشنا" من اﻹنغماس في الحلم حال ان اصبح السودان بعد رفع الحظر كما يقول ... و إعتقدنا ان " العيد باكر " بدل ما نركز في المحاضرة ركزنا في مستقبل السودان بعد رفع الحظر ......
و كان ملخص قوله ...
بعد رفع الحظر اﻹقتصادي " جزئيا " سوف يعود السودان لعهده " الزاهي النضير " كما ولد بعد اﻹستقﻵل .
وقد عدد المجاﻵت التي تنتعش مثﻵ في مجال البترول ستنخفض اسعار المواصﻵت و تصبح رخيصة ( وليم طبعا قال الكﻵم دا )
قال لو إنت ماشي الخاتمية او السواقي بدل ما كنت تدفع 2 جنيه سوداني ح تدفع 1 جنيه او ربما ستدفع نصف جنيه " واحد من الطﻵب قال بي إستغراب " نص جنيه يعني ' الخمسمية ترجع ' وليم قال ربما ستكون المواصﻵت بي نصف جنيه سوداني بعد رفع الحظر ....
في مجال التعامﻵت اﻹقتصادية قال عادي الشركات الكبيرة مثل ( كوكاكوﻻ+ بيبسي ) اﻵصلية طبعا ما التوكيل وقال نتيجة لذلك اي زول ح يلقي شغل و تكون مافي عطالة ( يسمع من تمك ربنا ��������)
و قال تاني في مجال الزراعية ح تجي شركات كبيرة تشتغل في الزراعة و يتحقق مفهوم ( السودان سلة غذاء العالم )
و قال ايضا في مجال اﻹتصاﻵت و التكنلوجيا و دي اهم حاجة ح تكتر شركات اﻹتصال و النت يكون " مجانى " زى اروبا و كما بي سرعات خيالية ( مش بي نظام الحصة و الميقابايتات ي كافي البﻵء ) و ذكر مجاﻵت اخرى ستغير من وضع السودان " المزري " إلى وضع يحسدونا عليه ....
يعني من اﻵخر
سوف تظبط امور السودانيين بطريقة او ب أخرى او كما قال استاذ وليم ....
طبعا وليم دخل الناس في طموحات و احﻵم ما عارفين نصدق و ﻻ نحلم المهم رفع الحظر دا قالوا كويس ...
_______________________
# اعملو دراسة لى احﻵمكم كويس قبل ما يجي رفع الحظر كليا عن السودان و السودان ينتعش ( فجأة ) و تكون م درستوا احﻵمكمم كويس و يغمي عليكم ....
# طبعا الكﻵم عن رفع الحظر و العقوبات عن السودان و شكل الونسة المتبادلة هذه اﻵيام ... و الدوﻵر سيد الونسة و حديث الساعة .... بيحسسك إنو السودان دا راجل كبير عاني ما عاني و جمع ثروة "20 سنة " لي اوﻵدوا و اﻵوﻵد حارسنوا يموت عشان يقسموا الورثة ... لكن لسع ما مات
او إن جاز التعبير في ناس قسموا الورثة قبل السودان يموت اقصد قبل السودان يرفعوا عنوا الحظر هههههه
# مادام السودان سمح كدا خﻵص و فيهو موارد و الدول تتشاكل فى اﻹستثمار في السودان مالنا عايشين في بهدلة كل تلك ال 20 سنة العجاف ...
تقبلوا تحياتي و مبروك عليكم " رفع الحظر " يتربي في عزكم .
# يوسف محمد على
يناير 2017
