سلوى جات لي احلام في البيت
سلوى : كفارة سلامتك يا غالية
احلام : كفر الله سيئاتك
سلوى : جبت ليك كل المحاضرات الكنتي غائيبة فيها
احلام : تسلمى شكرا انا ان شاء الله بنزل الاحد
سلوى : هو الحصل شنو بالله احكي لي
احلام : والله كنتا راجعة من فاطمة
سلوى : فاطمة
احلام : ما بتعرفيها كانت معاى في ثانوي
سلوى : ايووووا
احلام : وانا راجعا المطرة زرتني قالتا اجري سريع قبال ما المطرة تشد
سلوى : اها وبعدين
احلام : وانا جارية انزلقتا و قعتا على كراعى
سلوى : ودي العويقة طبعا
احلام : اصبرى اتم ليك الحصل
سلوى : اها تمي
احلام : وقعتا في طين و المطرة الشارع فاضي مافي زول فجاءة ظهر لي ولد جاء سالني انتي عارفة طلع منو
سلوى : منو
احلام : الولد الحكيت ليك عنو داك
سلوى : بس بس بس البتكبب
ههههههههههههههههه
احلام : لمن شافني واقعة جا جاري علي و سالني مالك قالتا كراعي تطولي قومني واتكيت علي كتفو مشيت زي خطوتين كدا تاني ما قدرتا
سلوى : وصلتي البيت كيف
احلام و هي خجلانة
احلام : شالني
سلوى : شالك عديل كدا
احلام : اي
سلوى : شالك كيف
ايمان : شالها زي لمن العريس يشل عرستو
احلام : بسم الله الرحمن الرحيم دي ظهرت من وين كمان
سلوى : ايمان ازيك كيفك
ايمان : كيفك تمام
سلوى : قلتي شنو
ايمان : والله لو شفتيهم احيييي انا مشهد رومانسي عجيب
سلوى : ههههههه
ايمان : و الولد الجابها ما شاء الله عليو طويل و جيه و قوى بس طلع صغير اصغر مني والله كان اسي خلاص ههههههه
احلام : اسكتي يا بايرة
ايمان : يختي هييي احسن تمسكى فيهو والله جاى معاك شركة لو فوتي ياكي البورتي زي كدا
سلوى : ههههههههههههههههه والله انتو
محمد من اليوم داك مسكتو ليك نزلة و التهاب و تمزق حسين و عماد جوا لي محمد في البيت
حسين : كفارة يا قلب
عماد: كفارة يا مان
محمد : كفر الله سيئاتكم ان شاء الله
عماد: طبعا علاء اخوك ادنا الزيت كلو
محمد : ولد خشمو الفولة ما تنبلى فيو
علاء : سامعك
حسين : ههههههههههههههههه
زولك يا عماد طلع ودشهم و جدع عماد :يا زول دا كلامك دا بطل ياخ
محمد : الشكرك قدامك نبذك
حسين : لا ياخ نحن جادين ياخ
عماد : اها ان شاء الله بعد دا كلو البت تكون سمحة
محمد : ما عارف اختاني بالله
عماد: كدا مش يا علاء يا علاء
علاء : اها مالك
عماد : انت البت كيف
علاء : مافهمتك
عماد :يعني مزه ولا ساي
علاء: ياالله
عماد : اها ورينا
علاء: ياخ مزه قليلة عليها قاطعة تبكي عديل كدا
حسين : يابن المحظوظة
علاء : ياخ اولاد الحلة كلهم باكين فيها انا زاتي مقتول عديل كدا
جا الوهمي دا شالها عديل اصلا الدنيا كدا ربك لما يريد يدي العبيط
حسين : ههههههههههههههههه
محمد : ههههههههههههههههه
عماد :ههههههههههههههههه
محمد : شوف قرايتك يلا بهنا بالله بره
علاء : اصلا انا ماشي
....................................يتبع
0 التعليقات