البرلوم (٧) ماقبل النهاية

عمر وصل علي لي بيت عمو
و عمر زعل شديد لمن اتذكر الكلام القالتو سماح فما قدر يمسك نفسو طووولي دور عربيتو و مشى لي عثمان في بيتو اهل عثمان جو من السعودية   عمر  دق الباب طلع ليو ابو عثمان
عمر : سلام عليكم عثمان موجود
ابوعثمان : وعليكم السلام ايوو موجود اتفضل
ابو عثمان دخل عمر البيت  و قعد منتظر عثمان يجي  عثمان اول ما جا و شاف عمر اتخلع و خاف  اتهجم ماعرف يعمل شنو
عمر : اتفضل يا سمو الامير اتفضل 
عمر بصوت فيهو غضب
عمر : انا من شفتك  شميتك وكلامي كان صاح طلعت زول ما راجل و جبان ياخ ما تختشي  علي دا قصر معاك في شنو   وانت اسي قادر تنوم. و تاكل و قادر تعيش
عثمان ما نطق ولا كلمة
عمر : انت ماعندك اصل  ولا عندك حبة رجالة
ابوعثمان  سمع الكلام  طوولي جا لي عثمان و عمر
ابوعثمان : الحاصل شنو يا شباب
عمر حكي لي ابوعثمان الحاصل من البداية لنهاية  
ابوعثمان : صح الكلام دا يا عثمان
عثمان وهو بتمتم : اااااااااييي ياااااااا اااااااابووووييي
ابوعثمان ضرب عثمان كف لحدي ما وقع في الارض  وكان عاوز يزيدو بس عمر جا مسكو 
ابوعثمان : كونك تبقي صايع ما مشكلة دي حاجة تخصك انت لكن تخون صحبك الفداك بنفسو دا  ماطبع ولا ادب ليك
ابو عثمان لي عمر : علي دا وين ساكن لازم نمشي ليو
عمر : والله علي دا ما في بيتو ابوهو طردوا قاعد مع عمو
ابوعثمان بكي  وجر عثمان من ايدو و عمر وراهم  عثمان و ابوهو  مشوا بيت علي ولقوا ابوعلي و كلموا الحاصل و فهموا اي حاجة   ام علي عرفت الحاصل ذغردت 
و قالت : انا كنت واثقة علي ما بعمل كدا  وثقتي في ربنا. و علي راجل ود رجال  
الحلة عرفت الحاصل  علي رجع الحلة بطل  اي زول  بتكلم عن علي 
علي مشي  الجامعة ودخل محاضرتو    بعد ما الدكتور طلع
عثمان جا
عثمان : شباب ممكن تقعدوا شوية عندي كلام عاوز اقولو
الجماعة كلهم جدا  قول يا زول
عثمان : قبال كم يوم  زميلنا علي اتقبض  السبب انو المخدرات  اللقوها معاهو  
نفس اللحظة علي قام من مكانوا وعاوز يمنع عثمان انو ما يتكلم 
عثمان : دقيقة يا علي الناس لازم تعرف الحقيقة كلها
عثمان حكي الحاصل لدفعة كلها
ورهم الحصل و كيف علي  وقف معاهو في المستشفى 
عثمان : عاوز اقول يا علي لو بتقدر تسامحني    سامحني و لو ما سامحتني  اصلا ما زعلان لنو
دا احسن عقاب لي
علي جا و حضن عثمان
علي : مسامحك انت اخوي يا عثمان
الدفعة  كلها كانت بتبكي   المشهد كان مشهد عظيم  
علي و عثمان طلعوا سواء من القاعة   اتصالحوا
سماح سمعت بخبر و الاء
الاء : علي  دا زيووو مافي نصيحتي ليك امسكي فيهو قوي
دا لو قفدتي ما بتعوض
سماح وهي بتبكي : صح  و انت غلطتا عليوو. شتمتو وما قال كلمة احي انا
الاء : لس مافي حاجة ضاعت  ممكن تعتذري ليو
سماح : حيقبل
الاء : مش علي ولا زول تاني ياخ سامح عثمان ما يسامحك انتي و غشت ليها دموعها
سماح فتشت  علي في جامعة كلها و مالقتوا    لحدي  في نهاية
شافتوا  في البنيش الجمب الشجرة البحب يقعد فيهو طولي
سماح مشت عليو لمن جات جنبو سماح : علي بصوت فيهو رجفة
علي قام علي حيلووو وشاف سماح ....................... يتبع