سماح جاات عليوهو و عيونا كانت ملايانة دموع
سماح : علي
وبكت علي قرب منها وقش ليها دموعها ومسك ايديها و شاف في عيونها مسافة
علي : انا بحبك
سماح خجلت و بقت تعاين في بعد مسافة و بصوت فيهو خجل
سماح : وانا كمان بحبك
علي : بجد
سماح : وبموووت فيك
علي : تاني ما تقولي لي وهمي
سماح : ههههههههههه والله ما بقول ومعقولة حبيبي يكون وهمي
علي : ههههههههههه
سماح : عيونك
علي : مالا
سماح : سمحات كنت عاوزة اقول ليك كدا من اول يوم شفتك
علي : ما تحنكيني
سماح : عوير خلاص قلتا ارفع ليك معنوياتك
علي : خلاص انتي البقيتي لحياتي ضي وانا من عيونك الله لي
سماح ضربتو في كتفو
سماح : ما تبالغ
علي : اي كتفي ما مشكلة ضرب الحبيب زي اكل الذبيب
الحرس : بلا ذبيب بلا زيتون
ورقتوا الشجر كلها يلا امشوا بيوت اهلكم الجامعة خلاص الدوام انتهي
علي و سماح طلعوا من الجامعة وماسكين ايادي بعض
يعني يا ابوي علي و سماح ديل انت وامي
علي : هههههههههه عبدالله انت مجرم وذكي
عبدالله : لكن يا ابوي صراحة كدا كنت حجر ياااخ
علي : يا ود كدي انشوفك انت حتعمل شنو
سماح : يا راجل هييي الولد نازل اول يوم ليهو في جامعة ما تاخروا
علي : بنصح في ولدي عشان يكون شفت و ما يبلرلوم
عبدالله : مع سلامة انا ماشي
سماح : اوع تكون حكيت ليو بتاعت الحرس
علي : ايي حكيت ليو اي شي
سماح : هههههههههههه
علي : يا مرة هوي الغداء بي شنو سماح : بامية
علي : تاني بامية ياخ الحلقة الاخيرة من باميتك دي متين
و الله بمشي بيت امي
سماح : امشي الباب يفوت جمل
علي : لكن
سماح : ولا كلمة
علي اتزوج سماح و عندهم اربعة اولاد واكبر واحدة برلوم زي ما انتو شافين و الباقي واحدة الثانوي و واحد في الروضة و واحدة في الاساس علي اشتغل
و الحمدالله ميسورة و سماح كمان اشتغلت ميسورين
طبعا بتسالو من حسن و عادل و عثمان و الاء
حسن بقي دكتور ما شاء الله اسم ليهو شنة ورنة لس احسن صاحب علي
عمر اتخرج و اغترب وبقي انسان مرتب و مهندم
عادل اتزوج البت الكان مكسر فيها و شاغل مع علي في نفس الشركة
الاء اسي بتعمل في دكتورة واخير حبت تاني بعد ما سماح اتزوجت
عثمان بعد ما اتخرج مشي الشرطة وبقي احسن ضابط في مكافحة المخدرات
الشخصيات الفي القصة شخصيات واقعية موجودة الان بس كبيت فيها شوية موية في الختام عاوز اقول الجامعة ماهي شهادة ولا مكان عشان تغير فيهو جو الجامعة مجتمع الجامعة حياة بنتعلم منا خبرات تنفعنا في حياتنا ما تقضوها كلها لعب زي عثمان ولا كلها قراية زي الاء
الجامعة اجمل مرحلة في حياتكم حافظوا عليها
قرايتكم و مشاركتم لي قصة دي دا شرف بنسبة لي احب اشكر اي زول قراء و شارك العمل البسيط دا يا رب تكونوا بخير لحدي العمل الجاي
شكرا
0 التعليقات