الصابونة السحرية

خرمجة

يوسف محمد علي

مشهد  يتكرر  يوميا  في  كل  انحاء  بﻵدي  حتي  في  العاصمة (  مظهر البلد )  في  ارصفة  الطرقات  و  علي  هوامش  اﻵسواق  و  بعض  اﻵحيان  تجد  سيارات  متجولة   او  قد  تجد  وكالة ( مكتب ) مخصص  لذلك  بغرض  مساعدة  المواطن  ( المغلوب ) علي  امره  علي  اساس  هم  ( المﻵز ) الذي  يوفر  العﻵج  الصحي  المناسب  و ب ( أذهد ) اﻵثمان  فيتوط  في  مشاكل  قد  تقوده  الي  حتفه ......

كنت  مارا  بإحدي  شوارع  ( سوق  كسﻵ )  فتجد  سيارات  تحمل  إسم ( فﻵن  الفﻵني  للعﻵج  بﻵعشاب ) الحائز  علي  شهادات  من " كامبرج / اوكسفورد / الخرطوم / و  المجلس  الطبي  العالمي/ و المجلس  القومي  لادوية  و السوموم ......   و اضف  انجازات  مهولة  من  عندك )  .....  و كمان  يقول  ليك  حائز  علي  جائزة  " الطب  البديل "  و  الطب  الشنو  داك  و  جائزة  الملك  فﻵن  و  حاصل  علي  جائزة  ( الطيب  صالح  )  ...... هذا  منهاج  كل  مروجي  السلع   لجذب  ( الماسورة  اليجي  يشتري ) ....   عشان  يطمنك  يقول    ليك  منتجاتنا مضمونة  100% و مجازة  من  قبل  مختصين  و  ما  يقيف  كدا  و بس   يقول  ليك   منتجاتنا  دي  إخترعا  "  بروفسور "  و حائز  علي  براعة  إختراع  في  الكﻵم  دا   و  قام  إخترع  لينا  ( الصابونة  السحرية )  صابونة  ح   تريحك  من  اﻵتي :-

1- وجع  المفاصل
2- الصداع  المزمن
3- وجع  القدم  " الوطاية "
4- وجع  البطن  " يعني  ترقي  الصابونة  و تشرب  مويتا "
5- الحساسية  " الكحكة  الكاروشة  الباشوشة  الشنو  داك ...
6 - البهق  - البرص - الحبوب  - تكسر  اﻵظافر  و  حجات  تانية ...
7- تساقط  الشعر - القشرة -  كرفيس  الشعر  -  تلوين  الشعر -  " تطويل  الشعر "   (  بي  النسبة  لي  البنات  لو  دايرة  تبقي  رونالدو  امشي  اشتري  الصابونة   لي  شعرك ...

8- وجع  العيون  - الحوص  - الرمد  -  الجلكوما - الموية  البيضاء  - الموية  البنية -  و وجع  اﻵضان ..
9- اﻹرهاق   و وجع  الجسم  و  إلتهاب  " الرقبة " و  قلة  النوم  و  قلة  " القروش "  و قلة  الدم  و "  قلة  اﻵدب "
10- اهم  حاجة  الصابونة  دي   " مختومة "  و  اصلية  عشان  ما  تقولوا  غشيناكم  و ﻷ  حاجة  و  الحاجة  المهمة  و  " الكنتة " الكبيرة  الصابونة  دي  تعالج  " نقة  النسوان "  يعني  لو  مرتك  يومي  تنق  تعالي  ليها   بي  الصابونة  دي  و قول  ليها  :  يا  حياتي  جلبت  لي  الصابونة  " السحرية  "  و داعا  لنقة  المدام  و  مرحبا  بالحياة  الزوجية   السعيدة  و  السحرية  بفضل  ( الصابونة  السحرية ) ....

# البلد  ما  دام  فيها  بروفيسرات  يصنعوا ( صابونة  سحرية ) جوكر  تعالج  اي  مرض   خﻵص  ما  نفتح  مصنع  (  الشفاء  )  الضربوه  ( الكفار )  و  نقوم  نصنع  صابون  و  نغش  الكفار  نقول   ليهم  دا  مصنع  بتاع  صابون  ساي  ما حاجة  تانية   و  في  الحقية  هو  مصنع  بتاع  ( صابونة  عﻵجية  سحرية  لي  اي  مرض ) ....

# كدي  بالمنطق  إنت  لو  بقيت  بروفيسر  واحد  يصنع  ( مصل  وقائي  لي  شلل  اﻵطفال  مثﻵ  او  اي  مرض  و  انت  تصنع  (  صابونة )   كدي  فكروا  فيها  شوية  كدا .....

# إين  وزارة  الصحة  و  المواصفات  و المقايس  و ناس  البلدية  و المحلية   و  الضرائب  و  العوائد  و  المجلس  القومي  لﻵدوية  و  السموم  و  ما  ننسي  ديوان  الذكاة  ........  العربات  الﻵفة  في  السوق  دي  و  تدعي  انها  عندها  صابونة  سحرية     كدي  يوم  اعملوا  طلة   ليهم  و. امشوا  شوفوا  الصابونة  بتاعتم  دي  و  اي  جهة  من  المذكورة  اعﻵه  تدخل  يدها  في  شغل  العربات  الﻵفة  دي    انحنا  ما  قلنا  ليكم  احموهم  الشغل   بس   يجي  بتاع  المواصفات  و المقايس  يشتغل  شغلو   و  بتاع  الضرائب  كمان  و  بتاع  اﻵدوية  و  اي  جهة  تجي  تعمل  معاه  اﻹجراء  المناسب  و  عشان  يشتغل  ف " السيف  سايد )  ما  يعمل  لينا  غلبة  بي  المكرفونات  دي  و ازعاج  ساي  في  السوق ....

# الصابونة  السحرية  دي  قالوا   حﻵلة  شبك  كمان   يعني  زي  ما  عارفين   البلد  كلها  شبك  و  مشاكل   نمش  نشتري   صابونة  صابوتين  و  ندي  اي  زول  صابونة   امورنا  تبقة  "  سمنة  علي  عسل "