لوحة الحب 4

سامي  يذهب  دائما  مع  صديقه  مدثر  و  هم اصدقاء  منذ  بداية  دراستهم  في  الكلية ..

سامي : ي  مدثر  ما  وريتك  ما  ﻵقيت  وحدة  من  البنات  الجو  في  المعرض  اليوم  داك ..
مدثر : اها  ي  خفيف  عملت  شنو ؟؟؟ ههههه
سامي : هههه  عملت  فيها  ولد  خالتا  و سجلت  ليها  البطاقة  و المهم  اتعرفت  عليها   اسمها  عﻵ  فضل  المولي  ساكنة  هنا  في  الخرطوم  و كسرت  ليها  شوية  تلجة  و حنك  سناير  عملت  ليك  فيها  اخوي  الكبير
مدثر : ههههه  يضحك  و الله  انت  مصيبة   اها  و بعدين   اكيد  شلت  رقما ؟؟
سامي : ﻵ  ياخ  انت  قايلني  هندي  اسع  بدري  شوية  شوية  ههههه  لحد  ما  الرقم  يجي  بي  رجلو  حفيان هههه.
مدثر:  اقعد  قول  يجي  بي  رجلو  لحد  م  تطير  منك  المزة  بعدين  تجي  تبكي  لي  هنا  و تقول  لي  البت  دي  كاسرة  فيني  ضلعة  و  ما  عارف  ايش ههههه

سامي :  اي  والله  ي  مدثر  البت  دي  ارتحت  ليها "&
مدثر :  ارتحت  ليها  ي  كبير   احترم  سنك  ههههه
سامي : سنك  شنو  ياخ  انا  لسع  برلوم  هههه  بعدين  م  تشوفني  كدا  انا  برلوم  الناس  تشوفني  لوﻵ  هذه  المﻵبس  القديمة  و  شوية  الشنب  و  الدقن  ديل  ح  اشيلم  برا  زاتو  ههههه
مدثر : ههههه  ي  زول  دا  كﻵم  شنو  داير  تسوي  شنو  ي  اهبل   دي  ما  برلومة  تخليك  تعمل  كدا ...ههههه  انت  فاشل
سامي :  تصدق  ي  مدثر  البت  دي  نار   ( نار  هذا  مصطلح  شبابي  يطلقة  الشباب  الجامعين  علي  الفتاة  الحسناء ) 
مدثر : ياخ  نار  شنو  بعدين  هي  اصغر  منك  برلومة  تعمل  بيها  شنو  ﻵ نار  ﻵ حاجة
سامي : اقول  ليك  نار   و  احلي  شي  الصغار  ديل  زاتو  اخير  من  البقر  المعانا  دا  ههههه  ي  اخوي  انا  بعرف  بعدين  انت  عارف  عندها  شامة  و الشامة  عارف  بتعمل  معاي  شنو  هههه  توديني  بعييييييد...
مدثر : بﻵش  شامة  و نار  معاك  نار  تحرقك  انت  و هي  يﻵ  ارح  نمش  ناكل  لينا  حاجة ...
سامي : ي  زول  صلح  كﻵمك  تحرق  منو  ي  زول  هههه
مدثر : تحرق  العدس  عشان  نمش  ناكل  ارح  نمش  ياخ  بطل  هظار....

عﻵ  و.صديقاتها  في  محادثاتهم  و  الكل  يحكي  ما  حصل  له  من  موقف  خاصة  و هم  حديثي  العهد  في  الجامعة

عﻵ:  يا  سلوي  ما  وريتكم  امس  قابلت  سامي  في  مكان  البطاقات
سلوي : اها  ي  سامي  اها  ورينا  الحصل  شنو
عﻵ:  سامي في  عينك ...  شفتو  كنت  عاوزة  قلم  و  هو  صدفة  جا  ماري  اتكلم  معاي  و اداني  قلم  و المهم  اتعرف  علي  و  ملي  لي  اﻹستمارة  بتاعتي  و  وداها  لي  مكان  البطقات .
ميسم : و كمان  وداها  ليك  سلم  الورقة !!!
لنا: ياخ  سامي  دا  ظريف  و  احم  احم
ميسم : ههههاي  والله  ي  بختك  ي  عﻵ ..
نحن  ماف  زول  سجل  لينا  بطقات  سلمنا  برانا ..
عﻵ: لحظة  ما  وريتكم  قال  شنو!!
لنا : اها  قال شنو؟؟
عﻵ: طبعا  هو  يعرف  بتاعت  البطقات  قال  ليها ...

( عﻵ  بصوت  رجولي  و  تقف امام صديقاتها و تقول )

طبعا  دي  بت  خالي  السنفورة  عﻵ فضل  المولي ..

الجميع  يضحك  بصوت  عالي هههههه ....
و يواصلون  حديثهم  و مواقفهم ...