صديقي

#صديقي ♡

وصحبك الشديد المافي زول في الدنيا بفهمك وبستحملك ذيو ، البجي على بالك أول ما تكون جايط ولما تكون مشوش وما عارف تفكر صاح ،بتجيهو ما عشان #يفكر_معاك ، بتجيهو #يفكر_ليك ..
صحبك ياخ ،، البتتصل عليهو من دون ما تعاين للوقت ولا بهمك الساعه كم ان شاء الله تكون 4 صباحا ، بتتصل عليهو في الوقت البتحتاج ليهو فيهو يكون معاك ، سواء كنت عايز تتطمن بيهو عشان حاسي نفسك مخنوق او لما تكون متضايق من حاجه وشايل هم شي، والغريبه انو برد عليك وبطمنك وبتلقاهو ذي ما انت عايزو لا بكل منك ولا بملك ، بفضل معاك في الخط وما بسيبك الا لما يحس بيك بقيت احسن ويتأكد انك ح تقفل منو وح تنوم طوااالي ، صحبك الببسط ليك المواضيع ويحسسك انك ساي مكبر الموضوع وانو مافي حاجه وبتتسهل ، مع انو ممكن هو ذااااتو يفضل صاحي لحدي الصباح شايل همك وبفكر ليك في حل ..
صحبك الممكن تساهر بيهو لمجرد انك مبسوط وفي حاجه مفرحاك ، الغريبه انو بكون مستعد يسمع نقتك لحدي اخر لحظه في حياتو  وفي النهاية يقول ليك اقطع وشك، عشان بكون فرحان لي فرحك ، ما هو صحبك البتمنى ليك الخير مافي غيرو
صحبك المقاسو تقريبا تقريبا ذي مقاسك البلبس منك وبتلبس منو لدرجة انك مرات كده ممكن تنسى اللبسه دي في الحقيقه هي حقت منو فيكم
ياااخ صحبك دا الانت بتعلق في جضومو وبتعلق في نخرتو وبتعلق في طريقة كلامو وتقضوها ضحك صحبك اليومي مشنف فيهو ويشنف فيك والما بعرفكم يقول ح تتشاكلو
صحبك اللما تكون طالع مشوار بديك تتريح منو  وبديك ساعتو العزيزه علييهو دييك الجابها ليهو سيد ريدو والبكون هو ذااااتو ما بلبسها كتير ومستكترها على روحو
صحبك اللما يتزق في مكالمة يجيك جاري عشان تعمل ليهو ازعاج ويقفل الخط من الزول التاني ما هو زاتو صحبك البخطط معاك على انكم تعملو الف جريمة وفي نفس الوقت تكزن ماف فايدة من الجرايم
#صحبك البجي في بالك وانت بتقرا المنشور دا وبتضحك دا هوا زاتو الانا قاصدو بي المنشور دا
صحبك البظهر ليك دايما في الوقت المناسب ، والبكذب معاك وبواصل ليك كذبتك حتى لو ما كنت متفق معاهو مسبقا على كذبه معينه
صحبك اللما تطلعو انت وهو مع بعض بتخاف الناس تقول عليكم مجانين  ، والمن دونو بتكون مسكيييين
صحبك داااك البحس بيك برااااهو ومخلص ليك وبريدك اكتر من روحك ♡

#عن_صحبك الحايجي على بالك اول ما تقرأ المنشور دا قول ليهو #شكرا_ﻷنك_صديقي♡
#وشكرا_ﻷنك_معاي ♡