..... خرمجة عابرة .....
حتي يكون عمل الفكي منظما .....
يحكي لنا صديقنا X انه قابل زميله في الدراسة بعد إختفاء دام طويﻵ لم يلتقيا اﻵ هذه المرة جمعتهم الصدفة و إلتقيا و عاد بهم الماضي ايام الدراسة و كذا .....
المهم صاحبنا سأل زميلوا قال ليهو :
اها إنت كيف وصلت وين في الدراسة ؟؟؟
الزميل : " بضحكة ساخرة " هههههه ياخ دراسة انت من زمن خليناه لينا فترة الجامعة زاتوا ابت لي خليتا ......
اها و إنت كيف ؟؟؟؟
صديقنا: و الله انا الحمد لله إتخرجت و اﻵن عاطل و.مرات بشتغل شغل خفيف خفيف ....
الزميل : ياخ والله إنتو مساكين تقروا خمس سنة و ما تشتغلوا ...... انا اسع شغال الحمد لله مع " فكي " بدخل ليهو الناس و اموري ظابطة شديد ....
صديقنا : " في إندهاش " فكي !!!!؟؟
اي شغال معاه بدخل الناس و بشيل منهم القروش و بنظم الناس لو داير اي حاجة ي زول ما تخاف تعال " نظبط ليك امورك " و نخدمك تب ما نقصر معاك ......
ذهب صديقنا و هو في حيرة لﻵمر زميله في الدراسة بين التصديق و التكذيب هل هو فعﻵ راض عن عمله هذا !!!!!
نعم عزيزي القاري هذه بعض "عجائب " مجتمعنا السوداني الذي يوم بعد يوم يلد ظاهرة " توقف شعر جلدك زي الشوك " و تستمر الظاهر الي ان تطور و تتخذ شيئا من الحداثة و مجارة العصر الحالي ....
ملحوظة :-
الفكي او الشيخ دا اﻵن يمارس عمله طبيعيا " و عدادوا قافل و مليان " زيوا وزي العيادة الخارجية ...
# هذا " الفكي " اﻵن شغال في كسﻵ و في احدي اﻵحياء العريقة / الخاتمية ..... هههههه لكن ما نوريكم الجديدة و ﻵ القديمة عشان ما نكون عملت إعﻵن لي الفكي ����
# ما دام المجتمع رضي بي عادات و إعتقدات زي دي و وصلت لي درجة التنظيم " و الكاشير " متعلم حتي ينظم عملية " الدجل و الشعوزة يبقي نحنا ﻵزم نقري الفاتحة على انفسنا و علي المجتمع " المريض العقيم "
# إقتراح :- بما إنو الحكومة رضت الناس تفتح اماكن لي العﻵج بي " الفكي " و اﻵماكن معروفة و منظمة حتي الﻵفتات تدلك عليها و الناس و الحكومة ما عندها مانع !!! خﻵص مفروض الحكومة تفرض علي " الفكي " او الشيخ البعالج الناس دا ..... كما يعتقدون ... تفرض ليهم ضريبة خلي يسموها ( رسوم دجل و شعوزة ) تفرض علي الفكي و الشغالين معاه ..... و يا دار ما دخلت شر ...
# منو ذاتو نصلح الميزانية من قروش الدجل و الشعوزة عسي ولعل يمكن تنعدل .....
وحمانا الله و عافاكم ...
# يوسف محمد علي .
0 التعليقات