احلام (١)
يا امي ياخ القروش دي كدا ما بتغطي
دا محمد
خليني اوريكم محمد دا منو محمد شاب عادي جدا ما فيهو مميزات كتيرة بقراء في تانية جامعة و هو موضوع القصة
ام محمد : يا ولد امشي بلاش ما بتغطي معاك اتصرف
محمد: والله كدا ما بتخارج
ام محمد : دي خمسة جنيه و تاني مافي زيادة
محمد: تسلمي يا ست الكل
محمد شال شنطتو ومرق طلع تلفونو و ضرب تلفون
محمد : يا عمك انا مرقت وانتا وين الله يكرمك
دا حسين صاحب محمد شديد يعني فردتو معاهو في القومة و القعدة
حسين : والله انا يادوب كمان مرقتا
محمد : خلاص سرع بالله و دق لي الوهمي دا قول ليو يجي لنو الليلة في حضور
حسين : دسيس
محمد اتحرك و مشي على الموصلات وهو ماشي شاف احلام
احلام و ما ادرك ما احلام احلام كاسرة في محمد ضلعة بي كلووو و دايرو معها لكن محمد خجلان و ما قادر يعبر ليها واحلام ما شغالة بيو نهائي
محمد يراقب فيها من مرقت من البيت لحدي ما دخلت الدكان
محمد ركب الموصلات و وصل الجامعة لقي شلتووو كلها حضور سلم عليهم و خشوا المحاضرة
محمد : يا الدكتور دا اهبل خلاص ياخ ما بفهم منو شي
حسين : ايي يا عمك انا زاتي
عماد : ياخ انا داير انوم لو اتلفت علي صحني بالله
عماد دا الوهمي القبيل جنو نوووم و سجيار و بلياردو تاني ما عندو دين لي اي شي الدكتور : انتو التلاتة بره
عماد و حسين و محمد مرقوا برة القاعة ومشوا قعدوا في البنشات البرة
عماد : اصلا هي بايظة بايظة امشي اديها كم قيم و اجيكم
حسين : امشي قشة ما تعتر ليك
محمد : ههههههههههههه انت لاعب معاو ضاغت كدا لي
عماد: يلا يا مان
حسين : ياخ امس في عرس جمبنا مشينا الحفلة ياخ كجس زي جكس و فاصلوليا عمك
محمد: اوووووبا حركاتك بقت خور
حسين : والله انا زاتي كلاموني متاخر لبست و مشيت لكن فاصلويا جد
محمد : ان شاء تكون انجزتا بعد دا
حسين : انجزتا شغل حضران كدا يادوب داير ارندق
محمد : اسي تلقى كونجرد
حسين : انت قدر كلامك يا فردة
محمد: انشوف
حسين : جلينا بالله من الموضوع نمشي نطق انا موهوي والله من عشاء امس
محمد: ارح يا مان
محمد جاب لي نفسو طعمية و بارد و بدا ياكل لس منتظر حسين
حسين جاء و كان معاهو اكلو في كيس
محمد : دا شنو يا عمك
حسين : دي فطيرة شامية
محمد : شنوووو
حسين : زي ما سمعتا
محمد : لا لا عبرتا يا عمك بعتوا عربيتكم ولا شنو
حسين : ياخ هي فطيرة ولا قيامة اصلا
محمد : ابرد ياخ زعلتا ولا شنو
حسين : انت جلد يا عمك ماعوز تطلع قروش نهائي و الله تقول شعلان بس
محمد :ههههههههههههههههه
ما جلد والله الحاجة عاصرني اليومين ديل رفعت مني الدعم
حسين : دا الحنك الحبة ياخ عندك انا متاكد بس انت جلد
محمد : شوف زولتك
حسين : اي شايفا
محمد : طبعا من انت كسرتا حنكا بارت بورة اسي قالوا خالطا ليها برلوم
حسين اتشرق و بدا يضحك
حسين : الله يكتلك شرقتي
محمد : والله يا عمك
حسين: انا كسرتا حنكا يا زولة وهمية كلامها كتير حركتا حركات شفع
محمد : و زايد انها ما ااااااا
حسين : لحدي هنا كفاية
محمد : صحي انت عرفتها كيف
............................... يتبع
0 التعليقات