حسين : عاوز تشمت فيني مش
محمد : لا والله
حسين : والله كنت برلوم و مخلوع اتغشيت حب و بتاع لكن طلع في نهاية كلو وهم
محمد : ههههههههههه حبك ياخ
حسين : تضحك شنو اخير انا حاولتا العجب انت سلام ما عاوز تسلم
محمد : انا ما عندي حاجة لبنات
حسين : ما عندي احي انا خلاص اوع اشوفك تشوف بت
محمد : ما لي درجة دي كمان
حسين : انت اعترف انك ما قادر
محمد : والله انا في واحدة في عيني لكن مستني الفرصة
حسين : شفتا انت خجلك دا هو الخارب ليك الشغلة
محمد : ياخ انسى جلينا بالله شوف عماد دا وين
حسين : بكون في بلياردو
محمد : ارح نمشي لي
محمد و حسين جو لقو عماد خالط بمزاج جو مروا بي جمبو عاملين فيها ما شايفنو
محمد : شايف الانا شايفو دا
حسين : زولك طلع غناج لكن
محمد : غناج ساااي دا الغنج زاتووو
حسين : اديك الزيت انا زاتي ماشي ادردق الشغل داك
محمد : وانا الله لي
محمد رجع البيت و ارتاح شووية امو ختت الغداء اثناء ماهم بتغدوء في زول بدق في الباب
ابو محمد : امشي شوف البدق في الباب منو
محمد مشي فتح لقي احلام
احلام : سلام عليكم خالتو اخلاص موجودة
طبعا محمد اتلبش لبشة الكلام غلبوو. لسانو تقل رد بعد مسافة كدا بي صووت فيهو رجفة كدا
محمد : ااايي موووجودة اتفضلي
محمد من الهجمة خش الحمام قاليو اوضتو محمد ما كمل الغداء صورت احلام ما فارقت عيونو تاني بصباح محمد بشرب في الشاي
محمد : امي انتي البت الجات دي منو
ام محمد : دي اسمها احلام
رحلوا جديد في حلة
محمد : ايي والله اول مرة اشوفا
علاء : اول يا كبير حي انا
علاء دا اخو محمد اصغر منو ممتحن تلاتة ود مشاغب شديد و صريح واضح مع محمد بعرف اي شي عن محمد
محمد : انت في زول سالك يلا امشي لي مدرستك
علاء : اصلا ماشي من غير ما تقول لي يلا باااي
محمد لبس و مشي الجامعة
هو في الموصلات بفكر في طريقة انووو يصل لي احلام
في جامعة
محمد طلع تلفونو وضرب لي حسين
محمد : يا حسين
حسين : جمبك جمبك
حسين جا و سلم على محمد
حسين طلع موبايلو ورهو صورة بت
محمد : دي منو
حسين : دا الشغل الكلمتك عنووو
محمد : امسك دي مزه ياخ
حسين : ما قلتا كونجرد
محمد : اسلتمو سريع سريع
حسين : دا كلامك
محمد : كبرت معاك لكن
حسين : قريب تشوفوا هنا
محمد : لا لا عبرتا انت
يلا نمشي شوف احلام
احلام بت منظمة و مرتبة و علامية يعني عكس محمد
عندها صحبتا اسمها سلوى
سلوى : اها حلتكم الجديد كيف
احلام : والله اسكتي سااااي ناس راقية و مؤدبين و ما شاء الله عليهم
سلوى : اها الاولاد كيف
احلام : ياتو اولاد
سلوى : الاولاد شباب الحي كسارين ولا كيف
احلام : ههههههههههههههههه غايتو انتي
سلوى : جاوبي
احلام : برى ما عارفة
سلوى : يعني عينك ما شافت ليك واحد عجبك ولا شي
احلام : نهائي والله اول ولد شفتو امس
سلوى : احييي انا
احلام : دقيقة احكي ليك امي رسلتني لي جارتنا اسمها خالتو اخلاص مشيت دقيت الباب فتح لي ولد كدا يبدو لي ولدها شكلو ما طبيعي
سلوى : كيف ما طبيعي
احلام : كان قلقان كدا و خائف و بتتمتم
سلوى : اجي يمة يشوف الحسن دا كلو ما يرجف يرجف و نص
احلام : احم المحاضر جاء ارحكي ساااي
سلوى : يلا
محمد حكي لي حسين الموضوع كلو
حسين : ههههههههههههههههه وهمي كل مرة بتبيش نفسك تذكر لمن مشينا لي ناس اقتصاد بقت تتمتم ههههههههههههههههه شكلك كان بيش خلاص
محمد : اريتو لو ما كلمتك زاتووو
حسين : معقولة يا فردة بهظر معاك ياخ
...................................يتبع
0 التعليقات