وﻵدة السودان في القرن الواحد و العشرين - يوسف محمد على

......  خرمجة  اليوم  .....

وﻻدة  السودان في  القرن  الواحد وعشرين
بقلم : يوسف محمد

  
   عند  المساء  تتصل  بي امي " نبع الحنان " ي  يوسف  تعال .... 

المهم  حضرت  سريعا  انا  كنت  قايل  عندهم  مرسال  و ﻻ  حاجة  المهم  جيت  لقيت  " نبع  الحنان " خلت  لي  فول  سوداني  مربوط  في  كيس  بس  ما  عليك  اﻻ  تاكل   ربنا  يحظها  و يحفظ  امهات  الناس  جميعا  .....

   لقيت  ناس  البيت  بيحضروا  في  " جائزة  الخرطوم  الدولية  للقرآن  الكريم - الحفل  الختامي  من  قاعة  الصداقة "  قالوا  لي  اقعد  شوف  الناس  المباركين  ديل  عسى  ولعل  ربنا  يهديك   المهم  قعدت  كشفت  شوية  " بي  دافع  الغيرة  " عشان  حارس  يعلنوا  الفايزين  يمكن  نلقي  سوداني  تبع  " العشر  اﻵوائل "  ما  عارف  ليش  بس  لو  لقينا  سوداني  فاز  تجينا  راحة  كدا  تقول  هو  اخونا  و ﻵ  نحنا  الفزنا  المهم  يجيك  شعور  جميل  لمن  سوداني  يفوز  في  مجال  معين  .....

و  لسع  قاعدين  مع  ناس  البيت  حارسين  يعلنوا  سوداني  تبع  العشر  اﻵوائل  لكن  " ما  سمعنا  فائز  سوداني " بما  إنو  الجائزة  حقتنا  و قاعة  الصداقة حقتنا " المهم  ﻵ  شفنا  اول  ﻵ  تاني  ﻵ  غيرو  سوداني  فاز  .....

الناس  الفائزين  كلهم  من  برا  السودان   بنين  و بنات  "  ماليزيا  - الجزائر - السعودية - بنقﻵديش - ايران - نقفل  القوس "

المهم  يعني  من  الدول  دي  و كلهم  اعمارهم  11/ 22/ 20 /   يعني  اكبر  واحد  فيهم  قدري  ههههه   و انا  سورة  الطﻵق  حفظتها  في  شهر   عشان  خاطر  كورس " الثقافة  اﻹسﻵمية "  و ما  انا  براي  معظم  المعاي  حفظنا  السورة  عشان  المقرر  و اﻹمتحان ....

و نحن  دولة  تحفز  باقي  الدول  على  القرآن  و ننظم  مسابقات  و جوائز  دولية  " كبرى " بضم  الكاف  و ترقيق الراء ....

#  المهم  كان  السودان   يلد  قراء  عالمين  و  معروف  السودان  بالنسبة  لي  التعليم  الديني  ما  محتاج  تعريف ....

لكن  السؤال  البطرح  نفسو   ليش  نحنا  في  هذه  السنة  ما  دخنا  و لو  قارئ  واحد  ضمن  قائمة  العشر  اﻵوائل  ف  جائزة  الخرطوم  ؟؟؟؟!!

#  اثناء  البرنامج  شغال  في  الشريط  نلقي  ليك  خبر ....
  #خادم  الحرمين  الشريفين  يطمئن  على  صحة  البشير  و يبارك  رفع  الحظر  الجزئي  عن  العقوبات  اﻹقتصادية#  هاتفيا  طبعا ....  و تستمر  المباركات  من قبل  رؤساء الدول   ...

  يا  نهار   ابيض  يعني  الجماعة  فكوا  الشغة   او  إن  جاز  التعبير  فكو  حتة  من  الشغلة  و تاني  نحنا  و إمريكا  ح  نبقي  " فرد "  و الدوﻵر  ح  يبقي  ولد  عم  الجنيه   دا  كان  ما  بقي  اخوه  من  الرضاعة  ..... 

يعني  بي  بساطة  كدا  " ليبيا  فتحت "  ﻻ  اقصد  نيويورك  فتحت  و السوق  كشف ....

على  قول اخوانا  المصرييين  يا  نهار  آبيض ....

#  المهم  على  حسب  ما  يقولوا  ناس  اﻹقتصاد  و.السياسيون  في البلد " الزاهي  النضير "  إن  رفع  العقوبات  اﻹقتصادية الجزئي  من  السودان  له  ما  بعده "  يعني  عقبال  الرفع  الكلى  قولوا  امين

#  السودان  ح  يولد  من  جديد  بعد  فترة  حمل  طالت  اكثر  من  ربع  قرن  من  الزمان  ما  معروف  ح  يولد  شنو " ولد  و ﻻ  بت "  كلكم  قولوا   ي  رب  ولد  او  تيمان  اوﻵد  عشان  يكبر الولد  " الحظر على السودان " و  يكون  مافي  حظر  و نبقي  نحنا  و أمريكا  زي  السعودية  و USA و أمورنا  ح  توضح   و ضوحا  واضحا ....

#  بس  ي  جماعة  ادعو  كتير كمان  اﻵيام  دي  في  ظل " وﻵدة  السودان "  إن  المولود  " رفع الحظر " يكون  مولود  صالح  سليم  و معافي ما  يبقي "  غلمان  أشأم  كلهم " كأحمر  عاد"   ثم  ينتج  فيتئم ...    كدا  يكون  خرابا  خراب  شين .....

#  و  أدعو  ربكم  إنو  السودان  يولد  " بالسﻵمة  ولد  سليم  " رفع  الحظر " و معافي  و ما  يمشي  المولود  الكان  في  بطن  السودان  اكثر  من  ربع  قرن  يطلع  ميت   هههههه  و  تبقي  الطامة  الكبري   ﻻ  إستمتعنا  بي  المولود " رفع  الحظر " ﻻ  نقدر  ندفن  الطفل  الميت " رفع  الحظر " .....  حمانا  الله  و عافي  السودان  و إياكم  من  فتن  و شر  بﻵيا  الزمان ....  قوموا  لرفع  حظركم  يرحمكم  الله .

#  يوسف  محمد  على
يناير 2016 .