.... خرمجة اليوم .....
20 عاما من العطاء ....
تقول اﻵمهات عﻵك شيب
اهذا الشيب يمنعني مراحي
اثبتت " دراسة " أجريت سلفا ان ظهور الشيب لدى اﻻوﻵد الذكور او اﻹناث في عمر ال 20 هو دﻻلة على الحنكة و الحصافة و اللباغة و الكياسة و وفرة الحكمة و حجات تانية حامياني ..... يعني خﻵصة اﻵمر اي ولد / بنت جاهم شيب في عمر 20 دي عبارة عن حكمة ميزة الله ما يديها لي اي زول ��
يعني ناس العشرين العندهم شيب ديل ناس كوسين خﻵص " حفظهم الله ورعاهم "
العام 2015 كنت في الصالون " اظبط نفسي و كدا " فإذا بالحﻵق يقول لي !!!!!
يا استاذ !!!! والله قاموا ليك ثﻵث شيبات في نص راسك !!!
* ي زول إنت تتكلم كيف يعني يقوم لي شيب في عمر زي دا " انا لسع برعم " بﻵش شيب معاك يﻻ احلق و خلي الهظار
يقول : ياخ هظار شنو والله دا شيب و اها شوف ب المراية لو انا كذا .....
و أداني المراية و بالفعل أجد الثﻵث شيبات يجلسن و يتربعن على رأسي .....
بمرور الزمن و الوقت و بدخول العام 2017 " الله يدينا خيرو " ذاد عدد الشيب ليصبح 8 شيبات في الرأس " ي ساتر " .....
في صباح اليوم كنت مستعجل عشان احضر محاضرة 8 " طبعا بعد 8 كان كسرت رقبتك ما تخش " المهم قلت لي الوالدة كبي الشاي عشان سرعة بلحق المحاضرة .....
المهم اثناء الوالدة تكب في الشاي " دنقرت اشيل كباية " الوالدة شافت راسي / إتملي شيب و قالت : سجمي يا ولد جبت الشيب دا من وين !!!!������
الشيب ملى ليم راسك " وقامت حسبت الشيب و اصبح العدد 8 " انت بتسوي في شنو زي دا تشيب لي بدري و انت لسع في " ريعان شبابك " سجمنا الولد عجز .....
يوسف : ﻻ ي امي الشيب ما مشكلة بسوي ليهو صبغة و يروح عادي ما تشيلي هم " من الظروف "
الوالدة : صبغة ������!!! هو انت بقيت لي الصبغة و بعدين الصبغة تزيد الشيب مش تنقصو ...
إنت راسك دا كلو هموم بطل تشيل هموم عشان بعد سنتين كدا لو خليت الهموم في راسك راسك ح يبقي " ابيض " و تكون جنيت على نفسك ��������
# ي ربي يكون الشيب من الهموم وﻵ تقدم في السن ؟؟؟؟
عزيزي الشيب مهﻵ ( إذنك لحظة وحده ) اصبر شوية انا داخل على زواج������
بعد العرس سوي اي شئ " اعلى ما في راسي اركبو "
# اعزائي الكرام العندو حل لي الشيب غير الصبغة يراسلني في الخاص ��������
# يوسف محمد على
يناير 2017
0 التعليقات