احلام (٥)

حسين : اخوك دا لاعب معاك ضاغط شديد
عماد: ههههههه اي والله
حسين : يا مان تقوم ان شاء الله بسلامة يلا نحن ماشين نخليك ترتاح
عماد : مكانك يا زول
محمد : خليني اقدمكم ان شاء الله لي باب الشارع
محمد طلع عشان يقدم حسين و عماد   وهم مارقين  محمد شاف احلام   ماشة مع سلوى
احلام شافتو  سلمت عليو من بعيد
سلوى :   بتسلمى على منو
احلام : محمد الود الجابني البيت
سلوى : اهااااا يعني داك هو لكن هو ياتو في تلاتة ديل
احلام : الفى النص
سلوى : حلاتوو ما شاء الله

حسين : يا محمد دي منو
محمد : دي احلام
عماد : دينااااك
حسين : اوووووووبا
محمد : مالكم
عماد : مزه كاربة عديل
حسين : ياخ مالك ياخ شغل اصلى 
محمد : ههههههههههههههههه
عماد : اديك الزيت  احسن شي تثبت الشغل دا لنو حضران والله
حسين : عبرتا لكن
محمد : ياخ ماحصل اتكلمتا معاها غير يوم داك
حسين : يا زول نحن كلامناك غايتو
حسين و عماد مشوا محمد رجع البيت

ايمان : انتى يا احلام محمد دا قلتي ليو شكرا
هدى : ايي صحى قالتي ليو
احلام : لا والله
ايمان : ما عندك زوق نهائي غايتو سمعتا من خالتو اخلاص انو عيان من اليوم داك
احلام : ماعارفة والله
هدى : انا شايفة انك تمشي
احلام : منو تمشي دي منو دي
ايمان : انا دي برى برى برى برى
هدى : ههههههههههههههههه
احلام : ههههههه  
هدى : انا بحلها ليكم 
احلام : كيف
ايمان : كيف 
هدى : هو بطلع الساعة ٨:٣٠ من البيت  يلا انتى شركي ليو
ايمان :  والله فكرتك تمام
احلام : وانتي عرفتي بطلع ٨:٣٠ نص
هدى : راجل اختى  كيف ما اعرف مواعيدو
ايمان : ههههههههههههههههه
احلام : جادة معاك
هدى : والله لمن اكون منتظرة الترحيل بشوفوا   
احلام : والله يا هدى اقنعتني لكن 
احلام صحت بدرى و طلعت مستنية محمد  لمن شافتو طلع اتحركت عليوو
احلام : سلام عليكم محمد
محمد : وعليكم السلام
احلام : كفارة
محمد: كفر الله سيئاتك  رجلك كيف
احلام : والله تمام الحمدالله 
محمد : الحمدالله
احلام : شايفك مستعجل ما اكون اخرتك
محمد : لا والله ولا يهمك
علاء شاف محمد  و احلام من بعيد 
علاء : ووووووونس و خلي الكانس يكنس 
احلام : دا منو دا
محمد : علاء اخوي الصغير اصلو كدا ما تشتغلي بيو
محمد مشى و احلام رجعت البيت  

حسين : محمد عبر لكن
عماد: والله عبر ونص
حسين : هاداك شوفوا وصل يادوب 
محمد : ازيكم
حسين : ازيكم
عماد : ازيكم
محمد : مشتاقين وربي
حسين : الزول دا ما نصيح شكلو الحمة اثرت فيو
عماد : حمة شنو دي احلام
محمد : ياخ عليك الله جلينا
حسين : الشوم دا جا ارح القاعة سريع قبل ما يخش لنو بقفل الباب
بعد يوم طويل الجامعة
محمد : شباب انا قادي بيتنا
حسين : اقعد شوووية ياخ العصر يادوب اذن
عماد : صلى امشي
محمد : ياخ مصدع و تعبان ماشي بيتنا مع السلامة
محمد ركب الموصلات  ونام  ماصحى قريب لبيت 
   احلام : امي امي  امي
ام احلام : مالك
احلام : عاوز قروش اصلح الابتوب بتاعى طش ويندوز 
ام احلام : هاك دي اخر عشرين في البيت  
احلام شالت الابتوب بتاعها ومشت    في شارع لقات محمد
محمد : بونسوار
احلام : ههههه ههههه فرنسي وكدا
محمد :  خلاص مساء الخير
احلام : مساء النور  ما بتعرف ليك بتاع كمبيوتر قريب
محمد : خير ان شاء الله
احلام : والله  لابتوبي طش ويندوز
محمد: ويندوز بسيطة  والله بصلحو ليك انا خلاص 
احلام : اها اجي اشليوو متين 
محمد : والله بعد المغرب كدا
احلام : طيب 
محمد شال لابتوب احلام وصلحوا
محمد مشى لي احلام في بيتهم  دق الباب و الفتحت لي الباب احلام 
محمد : هاك الامانة بتاعتك
احلام : تسلم  
محمد : يلا باي
احلام : يلا
احلام فقلت الباب  
ايمان : احم
احلام : بسم الله الرحمن الرحيم
ايمان : شايفاك ايووو تمام واصلي كدا
احلام : ههههههههههههههههه ياخ انتي وهماانة ساااي
    
سلوى : اها صلحتي الابتوب
احلام: ااي
سلوى : بي كم
احلام : مجان محمد صلحوا لي
سلوى : محمد الواحد 
احلام : ايي الواحد
سلوى : الشي ما هين
احلام : ههههههههههه
............ً............يتبع