غايتو جنس قطيعة

حكاية من واقع الخيال

الكلام دا ايام المبرقع ايام الثانوي وكالعادة نهاية اليوم انا وصاحبي نقيق تحت الشجرة الجمب الجامع في انتظار المواصلات يوم من الايام انا وصاحبي بعد ركبنا الحافلة قاعدين نقطع في المدير المدير عمل المدير فعل بس عليو متخلف وانا اقول وصاحبي يقول ونسوي في الحركة البي الخشم ديك وما غرضنا بالركاب كلم بعاينو فينا انا متاكد كانو بقولو الطلبة ديل ما بختشو بقطعو زي البنيات جاكم البلي المهم ونحن لانزال في قطيعتنا ديك و الكمساري بدي يطقط طاق طاق انت خمسمية تاني وانت ما تقول لي طالب ياخ طلبة تمت عاين عندي كم طالب داك واحد وداك واحد انت يازول انا ما معاك قروشك دي مابتمشي ياخ ونحنا لسع بنقطع ما جايبين خبر المهم داير ادفع صاحبي قال لي ما تتهور جنك تتهور ابرد امس انت دفعتا ما تدفع وبقينا ليك في انت ما تدفع انا ادفع انت تدفع المهم دفعنا للكمساري الكمساري قال لينا خالصين قلنا لي منو عاينا لي ورا اتاري المدير كان قاعد ورانا لقينا المدير دفع لينا وسمع قطيعتنا كلا المهم قبل محطتنا ما تجي نزلنا وبقينا ليك في موقف صعب تاني يوم ما متذكر مشينا المدرسة ولا الحصل شنو جنس قطيعة
خلاص اطلع ما دايرين فضيحة اقصد شوشرة

#الي جنات الرحمن لن ننساك يا عمو عثمان