محمد : عارفك يا فردة
حسين : طبعا الليلة الخميس و ماشي بيت ناس حبوبتي انا ماشي يا زول
محمد : انا زاتي عاوز اتخارج تعبان والله ماشي انوم ما شفتا عماد
حسين : عماد اتخارج من قبيل يوم الجمعة القعدة عندو طبعا
محمد : ااي والله اتذكرتا يلا يا مان
محمد وصل البيت مع العشاء صلى العشاء و نام
صحى الصباح
محمد : امي امي
علاء : هووووي يا جنى ماما دا امك مشت الخضار ما تزعجنا اسكت بالله
محمد : انت سالك منو
علاء وهو بحاكي في محمد بصوت عوير كدا
علاء : انت سالك منو
محمد: يا ولد احترام نفسك
علاء : ههههههههههههههههه عان الوهمي دا احسن تسكت داير تشرحني
ام محمد : يا اولاد بطلوا جوطة
انت يا علاء امشي شوف قرايتك وانت يا محمد قوم جيب العيش
محمد مشي يجيب العيش وهو بنقق
محمد : بي عشرة جنيه عليك الله
محمد شال العيش شاف احلام جاية لمن جات جنبو قالت ليو اهلا محمد تاني اتلبش ماعرف يقول شنو طووولي مشى سريع
محمد بعد وصل البيت ضرب تلفون لي عماد
محمد : يا عماد اها نجيك متين
عماد: بدري بدري يا مان قبال الفطور يعني غزة بي كلو اسي في زول بدق في الباب دا شكلو حسين من دقتو
محمد : يلا انا بتحرك مسافة السكة اسي بصل
محمد وصل لقى عماد و حسين بلعبوا في بلاستيشن
محمد : كورة بلا يخمكم ياخ انا زهجتا منا
عماد : يا زول نحن ما زهجنا
حسين : اسكت اسكت خليو ركز معاى
محمد : يا حسين اها زولك داك كيف
حسين : بعد تقول زولتي عديل
محمد : حار حار كدا متين عرفتها انت
عماد : محمد دا النوع بحنك حنك السبعينات الا يعرفا وبتاع
حسين : ههههههههههههههههه شغل بتاع جلاكين
محمد : سامعين دا
حسين : شنو
عماد : لا لا ياخ بدت تصب
محمد : انا ماشي بيتنا ما بقدر والله الطريق حيكون كعب لي بعدين يلا انا ماشي
محمد هو راجع البيت المطرة زادت وكانت مطرة غزيرة وهو راجع بعد وصل خلاص شاف ليو واحدة كانت ماشة بسرعة وقعت وما قدرت تقوم تاني شكلها اتعوقت في رجلها
محمد : دي منو يا ربي كدي امشي اشوفا
محمد مشي عاوز يشوفا منو الواحدة دي لقاها احلام كانت راجعة من بيت صحبتا وقعت وعوقت رجلها و ما قادرة تمشي
محمد ساعدها انها تقوم و اتكت علي كتفوعشان يوصلها البيت
محمد : بيتكم ياتو
احلام : البيت الفي اخر الشارع
احلام ما قدرت تمشي لنو المسافة بعيدة شوية محمد شال احلام وصلها البيت دق الجرس
جا ابو احلام فتح الباب لقي محمد شايل احلام ابوها اتخلع
ابواحلام : سرعة خش يا سعدية
تعالى سريع
البيت كلو اتلما اخوان احلام كلهم جو محمد حكى ليهم الحاصل
ابواحلام : تسلم يا ابو الشباب
ام احلام : انت مش ود اخلاص
محمد : ايوو
ابو احلام : بتعرفي يا سعدية
ام احلام : ااي ديل جيرانا البيت الفي بداية الشارع داك
محمد استذان وقال ماشي
طبعا حلفوا انو الا يشرب شاي في نهاية طلع منهم بعد ماشي
ابواحلام : ما شاء الله البلد لس فيها رجال
هدى : ما شاء الله والله بعدين هو زاتوو قوى يعني شالك من من جنب دكان مصطفى لحدى هنا
هدى دي اخت احلام الصغيرة
ابواحلام : اي والله قوى ابو احلام مشى
احلام : قوى قال انا اصلا تقيلة تقل شنو
ايمان : احي انا لي ما كنت انا
ايمان دي اخت احلام الكبيرة
احلام : اسكتي يا بايرة
هدى : هههههههههه
ايمان : بايرة شنو ياخ انتي كان ت شفتي شكلك وهو شايلك مع المطرة ديك والله ولا مسلسل التركي
احلام : غايتو انتي
هدى : والله صحى بايرة
....ً.......................يتبع