لم يستقيم الوضع بين العزيزة و ود الفكي كما انه لم يطلقها و يستمر في العربدة و العطالة لكن تم تطليقها منه بعد ان سرق مجوهراتها و ذهب بعيدا عن القرية ....
اصبح خالد من الطﻵب المتميزين و يحرز اعلي النسب و كانت دائما ما تحفزه امه علي ذلك و كان ايضا يساعد امه في عمل المخبز و مشاريعهم تلك إلي جانب الدراسة في العطلة و احيانا ايام الدراسة اشهر قليلة و يجلس خالد لﻹمتحان الشهادة السودانية و تمر اﻵيام و ينجح في الشهادة السودانية و يحرز نسبة تؤهلة لﻹلتحاق بمعهد المعلمين في القرية المجاورة إلتحق خالد بالمعهد و لم ينوي السفر لدراسة الجامعة بعيدا عن والدته و هي لطال ما تريد ابنها ان يدرس الجامعة لكن هو قرر ان يصبح معلما حتي يكون قريبا من والدته .....
استمر خالد في الدراسة في المعهد و عندها إلتقي بعدد من اﻵصدقاء و الصديقات الجدد و إحداهن فتاة تدعي " مسرة " و هي في القرية المجاورة لهم و كان ابيها يعمل مع العزيزة و أساءة معاملته في إحدي المرات كما سنري .
مسرة " فتاة ذكية تحب الدراسة و العلم بعكس اقرانها في الحي الذين اخرجوهم اهاليهم من المدرسة في سنين مبكرة بقصد الزواج لكن هي رفضت كل ما تقدم لها و اصرت ان تواصل تعليمها و تصبح معلمة .
مسرة تتمتع بدرجة من الجمال و القوام الجديد لذلك كثر اﻹلتفاف حولها حتي يتزوجون بها
إلتقي بها خالد في المعهد و كانوا يذهبون و يعودون معا الي القرية و هنالك تجاذب كبير بين مسرة و خالد و قد يعلم الجميع بذلك فيما بعد .....
تبنت مسرة مشاريع تعليمية صغيرة في القرية و هي طالبة في المعهد مما اكسبها شعبية زائدة في القرية فأنشئت فصول لمحو اﻵمية للنساء و عملت جاهدا في ذلك كما كانت تدعي بكل قوتها لمواصلة تعليم البنات و عدم إخراجهم من المدرسة لتزويجهم و وقفت ضد زواج القاصرات مما شجع الحكومة و إدارة المعهد ان تتبني لها فكرة منظمة صغيرة في الحي تؤيد مشاريعها و طموحاتها .... عرضت الفكرة لخالد فأيدها و وقف الي جانبها و كانت المعركة شديدة السجال بين خالد و والدته و مسرة و العزيزة و اهالي القرية بين مؤيد و معارض لتلك اﻵفكار لكن لم يقفا برغم تلك الصعوبات و العقبات ....
مسرة : إنت عارف ي خالد انا الجماعة ديل تعبوني ياخ و ما قادرين يفهموني انا دايرة مصلحتم و الله البيحصل في القرية دا ما تمام و نحنا قرينا و اتعلمنا بعد سنة ح نكون معلمين إذا ما طبقنا خبراتنا في القرية يكون خسارة قراية ساي ...
خالد : اي والله كﻵمك بس نحنا ما نيأس نواصل لو العدد بقي قليل نقريهم ما مشكلة انت مش مؤمنة بي الفكرة بتاعتك؟؟
مسرة : اي مؤمنة بس مرات بشعر بي اﻹحباط
خالد : احباط شنو ي بت هههههه العجين اللخيتي دا تعوسي براك هههههه اما برا منك كمان م تقولي اﻵيام دي امي بتحرش عليك نساوين الحلة تقول ليهم ما تسمعو كﻵم مسرة تقول ليكم قرو البنات و هي عشان بايرة دايرة تبور ليكم بناتكم ههههه
مسرة : ايوا يعني كدا مش انت كمان داير تبقي مع امك
خالد : اي هههههه
مسرة : خلي تصبر لي امك انا بحدا معاه و بقعدا في مواعينا
خالد : ي بت دا كﻵم شنو !!!!
مسرة : هههههه ياخ نسيت هي امك مهما كانت سيئة هي في النهاية امك
خالد : سيئة وين ي بت انت تتكلمي كيف دي امي والله بضبحك ...
" يجري خلفها و هما يمزحان تماما ...
مسرة : خالد خﻵص يﻵ نحنا ارح نمشي الزمن اتأخر و بكرا نمش نشوف موضوع الشفع ديل
" اقام خالد و مسرة بجانب الخلوة فصل صغير لمحو اﻵمية للرجال و النساء اللتي تركن التعليم بسبب الزواج و اخر لم يلتحقوا به من اﻵصل و كانت نتائجهم موجبة و اصبح اهالي القرية شيئا فشيئا يأكلون ثمار التعليم و محو اﻵمية فخفضت نسبة زواج القاصرات و حب الجميع التعليم و الخلوة و إنتظموا في المدارس ..
دائما ما تلح العزيزة علي خالد للزواج لكن خالد يرفض و يقول لها .....
العزيزة : ي خالد بطل البتعمل فيهو دا بﻵش محو امية و كﻵم فاضي اﻹجازة الجاية نعرس ليك احل بت في القرية عمر 14 سنة و تملي لي البيت اوﻵد و بفرح بيك خﻵص انت كبرت و قربت تخلص المعهد انا دايرة اشوف اوﻵدك ي ولدي
خالد : امي انا لسع الموضوع دا ما مفكر فيهو و بعدين خلي بكمل المعهد مرة وحده اتزوج كلها سنة وحدة و بتخارج .....
و بعدين ي امي انا ما ولد صغير تعرسي لي علي كيفك وقت ما دايرة إنت و البت الدايراه انا م قلت ليك داير عرس
عزيزة : ههههه ي ولد انت ولد متين هههههه خﻵص ولدي كبر قال يعرس براه خﻵص ما مشكلة انت بس وافق و شوف احلي بت في القرية 14 سنة تقول ي ليل كدا تكون رضيت علي ي ولدي ....
خالد : بعدين ي امي ياخ موضوع العرس دا امرقي منو و انا ما ح اتزوج بت صغيرة نحنا نوعي في الناس و بجي برتكب نفس الخطأ ....
عزيزة : سجمي البت المقطعة دي لحست راس ولدي ....
ي ولد اوعك تسمع كﻵم مسرة د بت م نافعة ساي و.بايرة و.دايرة تبور بنات الحلة عشان ما عرست و ما ح تعرس تفضل كدا مع تدريسا دا و محو اﻵمية حقها دا دي فاشلة ساي ما تشتغل بي كﻵمها تضيعك و الله
خالد : امي الكﻵم دا عيب ما تقولي كدا في بت الناس و البت دي محترمة و نحنا معلمين ﻵزم نقري ناس القرية لي متين الناس تفضل كدا و انا مع البت دي في اي خطوة تسويها و بعدين هي زميلتنا في المعهد انا و هي ساعين في الموضوع دا ﻵزم نقري الناس دي و يتعلموا شوية بﻵش جهل و تخلف و عرس شفع ...
عزيزة : وااأي سجمي الولد إتلحس عقلو ضرب خﻵص بقي زي البت الفاشلة
سجمي ولدي راسوا يشيب و يقري في الناس و يقول لي يساعد البت و انا دايرة اعرس ليهو ..... ي ولد انت ﻵزم تعرس ف اﻹجازة رضيت و ﻵ ما رضيت ... تعرس انا قلت يعني تعرس
خالد : يخرج من المنزل و ﻵ يعود .
0 التعليقات