العزيزة : " انا ﻵزم امشي اخطب لي الولد دا ما يمشي يسمع لي كﻵم البت دي ...
تذهب الي منزل حاج إبراهيم و تقابل زوجه و تطرق الباب و تقابلها معزة بت حاج إبراهيم ...
العزيزة : ...... انا عزيزة افتحي الباب ....
تقابلها معزة عند الباب تقوم بتقبيلها و تضمها إليها و تقول : حﻵتها عروستي بت و لدي و تقوم بتقبلها مرارا و تعطيها مبلغا من المال و تنظر لها سعدية .... و تقول
سعدية : الليلة ي عزيزة شنو الحب دا انت و معزة و تديها قروش بي وراي ههههههه إن شاء الله خير اها وريني..
يﻵ ي معزة جيبي لي خالتك موية اجري سرعة ...
عزيزة : والله كلو خير انتو كيف عاملين و ابو اوﻵدك كيف ؟؟
سعدية : كويسين و الله و ابوهم كويس .....
" معزة تحضر الماء ...
العزيزة : فالحة عروستنا الحلوة ... يﻵ امشي لي اخوانك
شوفي ي سعدية ي اختي انا جياك لي خير بس ما ترجعيني فاضية
سعدية : ابشري ما ترجعي ساي مني البجي بيت حاج ابراهيم ما يمرق ساي اطلبي قولي دايرة شنو ؟؟؟
عزيزة : ي اختي انا دايرة بتك معزة لي ولدي خالد انت براك شايفاه اﻵيام دي جنو شغل قراية في القرية و في بت مقطعة كدا انا شايفا دايرة تشيلو مني و ما يعرس في النهاية و انا طمعانا فيك تعرسي بتك لي ولدي
سعدية : هههههه عشان كدا انا بقول الرشوة دي لي مرت ولدك يعني ما اديتيها القروش لي الله حبا فيها ههههه اتراي حجزت مرة لي ولدك ...
انا ما عندي مشكلة ابشري تب انا اديتك بس البت شوفيها صغيرة كيف و لسع غبيانة ما قرت كويس
عزيزة : اجي ي سعدية انحنا متين بقينا نقري البنات و ﻵ خﻵص بقيتي تسمعي كﻵم مسرة غسلت راسكم و راس ولدي احي انا منها لو لقيت البت دي اﻵ باكﻵ اكلت لي حشاي و اكلت راس نسوان الحلة احييييي ....
سعدية : ههههههه روقي روقي ي اختي انا ما عندي مشكلة لمن يجي ابوها نسألوا ليك انا اديتك ساي بعدين ولدك زاتو استاذ ح يقريها لي و انا ما بلقي زي خالد خلقة و اخﻵق
عزيزة : تسلمي ي بت امي والله انا قبل ما بجيك مطمنة تقول متأكدة انك م ترفضي طلبي اها فتك بي خير ....
من جهة اخري الطفلة تسمع ما دار من حوار بين عزيزة و سعديه والدتها و يدخلها الخوف و الدهشة هي و اخواتها بالحجرة المجاورة ....
تخرج العزيزة من منزل سعدية و في طريقها الي المنزل تجد مسرة في طريقها و تقول :
" إنتي ي الفاشلة عايزة تاكلي راس ولدي / طااااخ تضربها بالكف و الجميع شاهدا علي ذلك
... مسرة تنغمر بالبكاء و يلتف حولها مجموعة من النساء و.تقول إحداهن
ما تبكي ي بتي قومي دي مرة جاهلة ما تشتغلي بيها و نحنا نعرفك ما بتاعت مشاكل ربنا يطلع ليك حقك قومي ارح معاي ما تشتغلي بيها
تقول احداهن : تف عليك ي عزيزة ظلمتي البت الله يأذاك و ذنب البت في رقبتك ..... و تنهال الاصابع و التأنيب علي العزيزة و التوبيخ ....
و يأتي حاج عثمان مسرعا .... و.يحمل عصاه سريعا ..... لوﻵ مجموعة من الرجال لحطم عظامها بعصاه .... و يقول ....
و الله علي ب الطﻵق لو ما كنت مرة والله عصاتي دي اﻵ بكسرة فيك والله شان خاطر الرجال و النسوان ديل كﻵمم ما يقع الواطة و الله بتي دي تتكلمي معاها ساي تاني ما بعرف انت مرة و ﻵ بقرة و الله بكتلك و انا حلفت بكتلك .....
و شوفوا هنا انا بتي نا فاضية لي زول ي عواليق عشان دايرة تبقيكم ناس و تقروا اوﻵدكم تجي تاخد كف اخر الجزاء و تاني زاتو ما تقري زول و.عنكم ما تقروا زاتو و البشوفوا بقيف في طريق بتي دا والله سيفي دا يشرب من دموا و انا حزرتكم ....
... يعلم خالد ب اﻵمر و. يذهب مسرعا الي المنزل ....
ي امي ياخ دا شنو العملتيهو تفضحيني مع الناس و.تغلطي في البت ما عندها ذنب والله خجلتيني و اسع انا بقول شنو لي ناس الحلة امي غلطانة ...
عزيزة : خسارة تربيتك يا ولد بقيت ترفع صوتك علي صوت امك عشان بت ﻵ ودت و ﻵ جابت ...
ي امي ما بسمح ليك تغلطي في البت دي كفاية ظلم ياخ ....
عزيزة : سجمي خﻵص الولد جنا البت شالتو مني و دا انا الكنت خايفا منو ......
" يخرج خالد متوجها الي عثمان والد مسرة لﻹعتزار مما بدر من امه
خالد : سﻵم عليكم
حاج عثمان : و عليكم
خالد : ي حاج معليش امي دي جاهلة و النساوين يتصرفوا تصرف طائش انا جيت اعتزر منك والله السوتو امي ما صاح و انا بعتزر ....
حاج عثمان : ي ولد خﻵص حصل الحصل بعدين انا ما عندي معاك كﻵم ﻵ معاك ﻵ مع امك و اليقرب ناحية بتي انا بقطع راسوا بي السيف دا ....
و لو سمحت مشكور اطلع من بيتي انا ما عندي معاك كﻵم يﻵ اطلع و انا في بيتي ما بضرب زول ....
خالد : ي حاج انا بعتزر و انت معاك حق و انت راجل فاهم حاول تسمعني
حاج عثمان : بﻵ فاهم بﻵ فلسفة معاك ياخ امرق ما تخليني ارتكب جريمة و الناس تقول جاه في بيتو و كتلو ... يﻵ امرق ...
يبدو ان حاج عثمان يحب بنته كثيرا و مستعد ان يضحي لﻵجلها مهما كلفه الثمن ..... و ﻵ يبالي ...
0 التعليقات