حتى لا يتشابه علينا البقر

..... خرمجة المساء ......
كل_عام_وانتم_بخير...
تقبل الله منا و منكم صالح الاعمال.

اولا:-
  مشششششتاااااااتتتتقييييييييي ......  و النون في الخرمجة الجاية ...🤣😅😅😅😅

ثانيا :-
#موضوع اليوم ...
*حتي لا يتشابه علينا البقر*

كثيرا  ما  تختلف  وسائل الترفيه  و الترويح  عن النفس ....  في  الوقت الذي شغلت المواقع  الإسفيرية  للتواصل حيزا من حياة البعض  منا بل ان جاز التعبير  اصبحت جزء لا يتجزأ  من يومنا و قل ما تجد يوما  الا و انت تطلع عليها .....
        في  الاونة  الاخيرة  كثرة  طرق السخرية و الضحك عبر النكات و الطرف التي تمس بعض من حياة المجتمع المعين و بعضها  يمثل  اتجاه سياسي  او جهوي قبلي او عنصري طائفي و غيره  .....  و  ما اكثرها .....

و انا  احد الذين يرفضون  النكات القبلية الساخرة من بعض  القبائل السودانية  رفضا  تاما  ...  لكن لا مانع عندي في بعض الطرف  و النكات " غير القبلية الاخري" و هي  التي لا تمس طائفة قبلية محددة.

وددت  ان اشارككم هذه الطرفة  بنصها و التي فهمها صديقنا X  بصياغ اخر  😅😅  حفظه  الله  و اعاد رشده 😌

يلا النكتة :-

يروي ان احد ظرفاء مدينة ام درمان رأى شاباًّ يرتدى جلابية جناح ام جكو (جلابية الأنصار) وهو يلوك لبانة! 😳😳😳 فعلق قائلا مخاطبا له ومتهكما: *يا ولدى ناس الجلابية دى كد الدوم عندهم عيب* !

ملحوظة :-
إذا  ما  تعرف  الجلابية جناح ام جكو  ما راح  تفهم النكتة .
لمن لا يعرف  الجلابية جناح ام جكو   فهي  من اعظم الموروثات السودانية  و الاثرية التي  يتميز بها السودانيون " دون غيرهم " في انحاء العالم و قد تختص  بطائفة " المهدي " و كانت الزي  الرسمي للمهدية و هي رمزا  لهم و بعد ذلك اصبح  غير  انصار المهدي  يرتدون هذه ال " جناح ام جكو " حبا لها و للمهدى و انصاره ( عندهم حق  دا ما تاريخنا  و كدا )...
نرجع لي  صديقنا X  و هو تقريبا  فهم  جلابية *الانصار* دي جلابية  انصار تانيين  لكن م انصار  المهدي 🤣🤣😅😅😅
ف  صديقنا  انهال  علي  ب  وابل  من الهجمات : المرتدة  و غيرها  و قال :- " بي  لغة  فصحي  لغة شيوخ و كدا
(  ينبغي  ان لا  نلعب  بي  الدين  و الجلابية  هي رمز الدين  و ما  عارف  ايش  كلام  كتير  جدا  و جاب  لي  كم حديث  كدا  و عمل  لي  فيها " واعظ "  معطني  ليك  و معط  القروب معطا  ممعطا .....
ف  انا  حاولت  افهمو  انو " جناح  ام جكو " دي  ما تمس  الدين لا حاجة   ف ابي  ان يفهم و " قام فوق  و قعد  و تاني  قام 😂😅🤣😅
# ف  يا  حبيبي إذا وصلك المقال دا  *إستكين و ابلع إسبرين*

فنحنا ما عندنا حاجة لي حد او بغض لي زول فنحن نخرمج  من هنا  و هناك  لأننا  نحب  الضحكة  و البسمة و الفرح في وجوهكم اولا ثم قلوبكم فيما بعد 😍
# طبعا  قلوبكم  دي قوية ذكرتني حاجة  ح  اوريكم  ليها في  الخرمجة  الجاية 😌 كونوا على انتظار و تقبلوا  تحياتي ،،،،،،
#يوسف محمد على
30/يونيو/2017

خرمجة http://khrmjh.blogspot.com/

نسعد ايضا بمتابعتكم  على صفحتنا على الفيس بوك على الرابط التالى

https://m.facebook.com/khrmjh.sd/?refid=52&ref=opera_speed_dial&_ft_=top_level_post_id.1097206023756155%3Atl_objid.1097206023756155%3Athid.100004003021274