13يوم في ريفي كسلا الشمالي

خرمجة 

13 يوم في الريف الشمالي 

قصة حقيقية 

بقلم ابراهيم محمد

واحدة من اجمل الايام  التي قضيتها   في حياتي تلك التي كانت عقب نهاية امتحان الشهادة السودانية للعام 2011م حينها كان العم يوسف علي وشك ان يشرف علي احد المشاريع الضخمة عند الريف الشمالي متعاقدا مع المنظمة الالمانية

German Agro Action / Deutsche Welthungerhilfe

ادركت ان تلك العطلة ستكون طويلة جدا لان الفترة الجامعية ستبدا بعد ست اشهر من هذه العطلة  فقررت الاستفادة  من هذا الفراغ فذهبت الي العم يوسف...................................................... وقلت ليو  ياعم يوسف داير امشي معاك الشغل قال لي  مافي مشكلة بس المرة دي ماشين الخلا  لو تقدر بسوقك معي فقررت الذهاب وكنت متشوقا لذلك وقلت لي عم يوسف اها متين المشي قال لي اليوم ارح نمش المنظمة نكمل باقي الاجراءت وعند الوصول تعرفت علي الجميع  (مستر- عبدالله ’محمود’ جمال’ العم كرار واخرين ) قلت لي عبدالله نحنا ماشين وين قال لي منطقة يقولو ليها تكياي جم همشكوريب قلت لي الوضع كيف هناك قالو الريف سمح احكي لي قال لي ايو الجو سمح  قلتا لي اها ماف عقارب وثعابين لانو دي طبيعة الخلا  قال لي ماف قلتا لي حسب علمي قالو عقرب الخلا كعب بكتل طوالي قال لي ماف بس جيب سرير عالي قلتا لي يعني ماف مخيم واستراحة قال لي اصلن الشغل فترة قصيرة  ما يحتاج بس اي شي محتاجين ليو  نجيبو من كسلا  العربات متوفرة حتي الموية نجيبا من كسلا تشرب موية نضيفة وتبادلنا الحديث الي ان سمح لنا الخواجة مدير  المنظمة بالتحرك .بعد داك مشيت البيت ولقيت الوالدة حفظها الله واطال عمرها ومتعها بالصحة والعافية قلتا ليها امي ماشي الخلا مع عم يوسف قالت لي قلت شنو ما تمشي انت قريب خلصت امتحانات اقعد ارتاح تمش تعي ساي قلتا ليها عليك الله خليني  امشي داير اشوف الريف عامل كيف قالو الجو سمح قالت لي تمرض ساي الموية كعبة قلتا ليها بجيبوها لينا بي عربية الموية من هن

ونواصل.......................القصة كاملة